Атына алаяқтық жолмен несие рәсімделген қазақстандықтар қарызын қайтаруға міндеттеледі

Атына алаяқтық жолмен несие рәсімделген қазақстандықтар қарызын қайтаруға міндеттелуі мүмкін. Яғни, тергеу барысында тұтынушының алаяқтарға жеке деректері мен құпиясөзді бергені расталса, қаржы ұйымы алашағын өндіріп алуға құқылы. Бірақ мұндай жағдайда кредитке өсімпұл жүрмейді. Демек, борышкер тек негізгі несие сомасын өтеуге тиіс. НҰРБОЛАТ ЖАҢАБЕКҰЛЫ, тілші: – Бұдан былай атына алаяқтық жолмен кредит рәсімделген адамдар да заң бойынша «зардап шегуші» болып танылады. Ол үшін тұтынушының еркінен тыс мәліметтері өзгертіліп, қаржылық операциялар жасалғаны нақтылануға тиіс. Дәлелденсе, тергеуші арнайы қаулы енгізеді. Соның негізінде мұндай микрокредиттер бойынша өсіппұл есептелмейді. Әрі микроқаржылық ұйым үш күн ішінде берешекті өндіріп алуды және талап-арыз жұмысын тоқтатуға міндеттеледі. Сондай-ақ, сот шешіміне сәйкес азаматтың қарыз алмағанын растайтын құжат күшіне енген соң ұйым берешекті есептен шығаруы керек. Оған 15 күн уақыт беріледі. Бұдан бөлек, борышкердің несие тарихы да түзетіледі. Сосын банк бұрын өндіріп алған немесе тұтынушы өтеген соманы қайтарады. Ал егер тергеу кезінде жәбірленушінің алаяқтарға несие рәсімдеуге көмектескені яғни, дербес деректері мен құпиясөзін бергені нақтыланса микроқаржылық ұйымдар берешегін өндіруге құқылы. Бірақ бұл ретте кредитке өсімпұл, пайыз жүрмейді. Тұтынушы тек негізгі соманы төлеуі қажет. Бізді әлеуметтік желіде оқыңыздар: Информбюро 31    / @informburo31kanal   Informburo kz    / @informburokz2022   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 Біздің сайт: www.31.kz және www.informburo.kz Біздің WhatsApp +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал