Атыңызға онлайн кредит рәсімдеп жіберетін алаяқтардан қалай сақтануға болады?

Алматылық жалғызбасты ана бір жылдан бері атына алаяқтар рәсімдеген несиені дәлелдей алмай жүр. Айжан Қуатова қызына қоңырау шалған белгісіз біреулер қашықтан смартфонын басқарып, 500 мың кредит алғанын айтады. Ал, заң мамандары мұндай шағымдар соңғы кездері көбейді дейді. Әсіресе, арам пиғылды адамдар мейрам кезінде қарапайым халықты сан соқтырғысы келеді. Ең сорақысы, алаяқтар рәсімдеген несие ісі көп жағдайда ашылмай, аяқсыз қалады. Оңай олжаға кенелгісі келетіндерден қалай сақтануға болады? Өмір Серікбекұлы мамандармен тілдесті. Жалғызбасты Айжан Қуатова 8 жылдан бері жұмыс істемейді. Өйткені, мүгедек қызына қарайтын жан жоқ. Былтыр өзі үйде болмаған кезде қызына белгісіз біреулер хабарласыпты. Көп ұзамай алаяқтар анасының атына жарты миллион теңге несие рәсімдеп, оны тіпті шығарып та үлгерген. АЙЖАН ҚУАТОВА, Алматы қаласының тұрғыны: – Маған қағаз шығарып береді. Қағазға қарасам, 500 мың кредит алынған. 477 мың алынған. 20 мың страховкаға қалдырған. Менің үш жыл бұрын істемеген жаңағы карточкамнан алынып отырған кредит. Через онлайн алынған. Мамандардың сөзінше, алаяқтар алдаудың түрлі тәсілін ойлап табады. Мәселен, өзін банк қызметкерімін деп таныстырған адам, смартфоныңызға қосымша жүктеуді ұсынады. Сол арқылы ол жеке кабинетіңізге кіреді. Артынша ақшаңызды басқа картаға аударып немесе несие рәсімдейді. Және интернет-банкинг бұзылды деп үшінші тұлға ақшаңызды қолды етпеуі үшін кредит алуға көндіреді. Кейін оны банкоматтан алып, басқа шотқа алдап салдырады. ¤WA9 3988 Азаматтардың көбі алаяқтарға жеке деректерін өздері беріп қояды дейді адвокат. ҒАБИТ ӨМІРБЕКОВ, Адвокат: – Мүлдем, ешкімге ешқандай өзіңіз жайлы мәліметтерді айтпаңыз. Счетыңыздың нөмерін айтпаңыз. Карточкаңыздың нөмерін айтпаңыз. Банкты айтпаңыз карточкасын. Жоғалтып алсаңыз полицияға барып дереу арыз жазыңыз. ӨМІР СЕРІКБЕКҰЛЫ, Тілші: – Файлдарды жүктеуге шақыратын хабарламалар, вирустық сілтемелері бар спам, қысқартылған сілтемелер, ойындар мен қосымшалар, белгісіз нөмірге телефон соғуға шақыратын қадамдардың барлығы алаяқтардың ісі екенін естен шығармаңыз. Егер қоңырау шалған адам СМС-код сұраса, тұтқаны бірден қойып, банктың колл-орталығына хабарласыңыз. Алаяқтардың құрбаны болып қалмау өзіңіздің қолыңызда. Өмір Серікбекұлы, Думан Сүлейменов Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31