ရန်ကုန် - မော်လမြိုင် ရထားနဲ့သွားကြမယ် ( အပိုင်း - ၂ )

ရန်ကုန် - မော်လမြိုင် ရထားနဲ့သွားကြမယ် ( အပိုင်း - ၂ ) ဒီအပိုင်းမှာတော့ စစပြောချင်တာက နှင်းပုလဲထမင်းပေါင်းပါ၊ နှင်းပုလဲထမင်းပေါင်းက မော်လမြိုင်ဘက်သွားလည်တိုင်း မဖြစ်မနေ စားနေကြတဲ့ နာမည်ကြီး ထမင်းပွဲတစ်ခုဖြစ်ပါတယ်၊ သူကဘယ်လိုပုံစံလဲဆိုရင် ကြက်ကြော်ကိုမှ ထမင်းပူပူလေးပေါ် ပါလာတဲ့ ဟင်းအနှစ်လေးဆမ်းစားရတာပါ၊ ကြက်သွန်နီဟင်းအနှစ်လေးပါ ဒါလေးတွေကို ရထားပေါ်မှာ ပဲခူးဘူတာ ကျော်တာနဲ့ စပြီး အော်ဒါကြိုကောက်ကြတဲ့ ဈေးသည်တွေကို နှင်းပုလဲဘူတာ မရောက်ခင်အထိ တွေ့ရပါမယ်၊ နှင်းပုလဲမရောက်ခင် ၂-၃ ဘူတာလောက်ထဲကကြိုပြီး ထမင်းပေါင်းထုပ်တွေ ရထားပေါ်စတွေ့လာရပါပြီ ၊ တစ်ထုပ် ၃၅၀၀ ကနေ ၆၀၀၀ အထိရောင်းကြပါတယ်၊ ကျွန်တော်ကတော့ ၃၅၀၀ တန်ကို ကောင်း/မကောင်း မသိလို့ ၆၀၀၀ တန်ပဲ ရွေးစားခဲ့ပါတယ်။ စားမယ်ဆိုပြီး အိတ်ဖွင့်ကြည့်မှ လက်အိတ်လဲမပါ ၊ ကော်ဇွန်းလဲမပါတာမို့ မစားဖြစ်တော့ပါ၊ စိတ်လဲအတော်ညစ်သွားပါတယ်၊ အိမ်မှာကတည်းက ဇွန်းတစ်ချောင်းထည့်ဖို့ စဉ်းစားခဲ့ပေမယ့်လဲ မေ့ခဲ့ပါတယ်၊ ဒီထမင်းရောင်းနေတဲ့သူများအနေနဲ့လဲ လက်အိတ် / ကော်ဇွန်းလေးတွေတော့ ထည့်ပေးသင့်တယ်လို့ ထင်ပါတယ်၊ တန်ဖိုးလဲ မကြီးပါ အဲတာနဲ့ပဲ ရထားဘေးက ကလေးကိုပဲ ထမင်းထုပ်ကိုပေးလိုက်ခဲ့ပါတယ် သထုံကျော်လာတော့ မြင်နေရတဲ့ ဇင်းကျိုက်တောင်တန်းကြီးတွေက အရမ်းလှပါတယ်၊ တောင်တွေပေါ်မှာ လွင်ပြင်လိုတွေလဲတွေ့ရပါတယ်၊ တိမ်တွေနဲ့ တောင်တွေကြား ဖောက်ကျလာတဲ့ နေရောင်အောက်မှာ ဇင်းကျိုုက်တောင်တန်းတွေဟာ အရမ်းလှပနေပြီး တစ်ခါတရံမှာ တောင်ကမ်းပါးက သဘာဝရေတံခွန်တစ်ချိူ့ကိုလဲ လှမ်းမြင်ရပါတယ် ဇင်းကျ်ိုက်ဘူတာရောက်ခါနီးမှာ ခလောက်အင်း​ရေတံခွန်ကို နီးနီးကပ်ကပ်မြင်တော့ အရမ်းပျော်ပြီး စိတ်လှုပ်ရှားမိပါတယ်၊ ဇင်းကျိုက်ရေတံခွန်လို့ အစကထင်ခဲ့ပေမယ့် Map ကြည့်မှ ခလောက်အင်း​ရေတံခွန်မှန်း ၊ ဇင်းကျိုက်ရေတံခွန်ဟာလဲ သိပ်မဝေးမှန်း သိခဲ့ရပါတယ်။ ဇင်းကျိုက်ရေတံခွန်နဲ့ ခလောက်အင်း ရေတံခွန်ကို လာလည်မည့်သူများအနေနဲ့ ဇင်းကျိုက်ဘူတာမှာဆင်းနိုင်ပြီး ခလောက်အင်းရေတံခွန်ကိုမှ သုံးဘီးနဲ့ ၁၅၀၀ ကျပ်မျှသာကျသင့်ကြောင်းလဲ သိခဲ့ရပါတယ်။ အနီးအနားက တည်းခိုရိပ်သာတွေကို ဖုန်းဆက် Booking ကြိုယူပြီး ဇင်းကျိုက်တကြောကိုလဲ အေးအေးဆေးဆေး လာလည်နိုင်ပါသေးတယ်။ မုတ္တမနားဝင်တော့ ခပ်ဝေးဝေးမှာ သံလွင်တံတား ( မော်လမြိုင်တံတား ) ရယ် တဖက်ကမ်းက မော်လမြိုင်က တောင်ပေါ်တန်းစေတီတွေကို လှမ်းမြင်နေရပါပြီ၊ မုတ္တမကနေ မော်လမြိုင်အဝင် တံတားမတက်မှာ လှမ်းမြင်ရတဲ့ ရထားညာဖက်က ရှုခင်းတွေက အရမ်းလှပါတယ် မော်လမြိုင်ဘူတာမရောက်ခင် မော်လမြိုင်မြို့က နာမည်ကျော် ကျိုက်သလ္လံစေတီကိုလဲ ခပ်နီးနီးကနေ ဖူးမြင်ခဲ့ရပါတယ်။ နောက်ဆုံး မော်လမြိုင်ဘူတာကိုဆိုက်တော့ အထုပ်အပိုးတွေနဲ့ မှတ်ပုံတင်တွေကို တာဝန်ရှိသူတွေက စစ်ဆေးပြီးမှ ဘူတာရုံက တာဝန်ရှိသူတွေလက်ထဲ ရထားလက်မှတ်ကို ပြန်အပ်ပြီး ထွက်ခဲ့ရပါတယ်။ ဒါကြောင့် Online ကနေ လက်မှတ်ဝယ်လာပြီး စာရွက်လေးနဲ့ပြန်လဲလာပါ၊ လမ်းမှာ ၇ ခါလောက်စစ်ပြီးမှ နောက်ဆုံး မော်လမြိုင်ဘူတာမှာ ပြန်ပေးခဲ့ရလို့ပါ။ တစ်ချိူ့က လက်မှတ်ကို ရန်ကုန်ဘူတာကြီးမှာ / သို့မဟုတ် / ကိုယ်တက်တဲ့ဘူတာမှာ စာရွက်ပုံ လက်မှတ်နဲ့ ပြန်မလဲဘဲ ဖုန်းထဲက online Ticket ကိုပြစီးလို့ရတယ်ပြောလဲ အကောင်းဆုံးက ချမှတ်ထားတဲ့စည်းကမ်းအတိုင်း online လက်မှတ်ကို စာရွက်ကို ပြန်လဲခဲ့တာအကောင်းဆုံးပါ၊ ဖုန်းနဲ့ပဲပြလ်ို့ မိမိဖုန်းက အားကုန်လို့မပြနိုင်ရင်ဖြစ်စေ ၊ အကြောင်းတခုခုကြောင့် လက်မှတ်စစ်က ငြင်းပယ်သည်ဖြစ်စေ ပြဿနာဖြစ်နိုင်တာမို့ပါ၊ နောက်ပြီး မိမိမှတ်ပုံတင်နဲ့ လက်မှတ်က အမည် မှတ်ပုံတင်အမှတ် တူရပါမယ်၊ သူများလက်မှတ်ယူစီးလ်ို့မရပါ၊ နောက်ပြီး ကုန်စည်များသယ်လျှင် တရားမဝင်ကုန်စည်မရပါ ၊ စစ်ဆေးပါတယ် ရထားလက်မှတ်ကို online မှ ဝယ်ယူလျှင် ရန်ကုန် မှ မော်လမြိုင် ရထားဖြစ်စေ မော်လမြိုင် မှ ရန်ကုန် ရထားဖြစ်စေ online မှပြထားတဲ့ Seating Plan ( ခုံနေရာပြပုံ ) ကို ဇောက်ထိုးကြည့်ပြီး ဖြတ်မှ မိမိလိုချင်တဲ့ဘက်ခြမ်းကို ရပါလိမ့်မယ်၊ ရထားရဲ့ Seating plan တွေဟာ ကားလက်မှတ်ခုံတွေလ်ိုမဟုတ်ဘဲ ပြောင်းပြန်တွေဖြစ်နေတာ အသွားအပြန် ကြုံခဲ့ရလ်ို့ပါ ကဲ အားလုံးပဲ နောက် Vlog တွေမှာ ပြန်ာဆုံကြပါမယ် 🤩🤩 #mawlamyaing #train #ရထား #DEMU #trip #travel #vlog #solotrip #myanmar #မြန်မာ #urban #nature #မီးရထား #မော်လမြိုင် #ဘားအံ #HpaAn #စပိန်ရထား #မြန်မာ့မီးရထား #ဇင်းကျိုက်