ရန်ကုန် - မော်လမြိုင် ရထားနဲ့သွားကြမယ် (အပိုင်း - ၁)

ရန်ကုန် - မော်လမြိုင် ရထားခရီးစဉ် (၁) ကျွန်တော် ဒီခရီးကိုထွက်ခဲ့တာ တစ်ယောက်ထဲ Solo ထွက်ပြီး ဘယ်သူငယ်ချင်းကိုမှ အသိမပေးခဲ့ပါဘူး၊ ဘာလို့လဲဆိုရင် ကျွန်တော် အဲဒီခရီးစမထွက်ခင်ထဲက အဆုတ်အအေးပတ်ပြီး ဖျားသလ်ိုလိုဖြစ်နေတာရယ် ၊ ချွဲထချောင်းတွေဆိုးနေတာရယ်၊ ပခုံးတဖက်က Activity တွေများတဲ့ အခါ အရမ်းနာလာတတ်တာရယ်ကြောင့် ကိုယ်ကခရီးစဉ်မဆွဲနိုင်ခဲ့တာ ၊ လည်ဖို့တည်းဖို့ မစီစဉ်ပေးနိုင်တာ၊ ကိုယ်မခံနိုင်ရင် ပြန်နားချင်တဲ့အခါ သူငယ်ချင်းတွေပါရင် သူတို့ပါ ကိုယ့်ကိုပြန်ငဲ့ပြီး သူတို့ခရီးပျက်မှာတွေ ဖြစ်မှာစိုးလို့ရယ်၊ ဒေသခံသူငယ်ချင်းတွေလဲ ကိုယ့်ကြောင့် အလုပ်ပိုပြီး မအားမှာစိုးလို့ ဘယ်သူမှမပြောပဲ လမ်းလျှောက်အပြင်းပြေလောက်ပဲ လုပ်မယ်ဆိုပြီး ဘယ်သူ့ကိုမှ မခေါ်မပြောဘဲတစ်ယောက်ထဲ ထွက်လာခဲ့တာပါ ဒါပေမယ့် မော်လမြိုင်က သူငယ်ချင်းတွေက သိသွားလို့ သူတို့ဆီလာမတည်းရင် စိတ်ဆိုးမယ့်အတွက် တင်ထားတဲ့အခန်း Booking ကိုဖျက်ပြီး မော်လမြိုင်ကသူငယ်ချင်းဆီမှာပဲ တစ်ညတာ တည်းခိုခဲ့ပါတယ်၊ ဒါတွေက နောက်မှဆက်ပြောပြပါမယ် လောလောဆယ် ရန်ကုန်ကနေ မော်လမြိုင်ကိုရထားနဲ့သွားခဲ့တာလေးကို Video နဲ့ ပြန်တင်ပေးလိုက်ပါတယ်၊ တည်းဖြတ်အခက်အခဲလေးရှိတာမို့ အပိုင်းဆက်နဲ့တင်ရတာပါ၊ ရထား​ရွေးတော့ ပထမဦးစွာ ကိုယ်လဲ အိမ်ကနေ သက်တောင့်သက်သာထွက်လို့ရ၊ မနက်စာတွေလဲ အေးဆေးစားပြီးမှ ထွက်လို့ရတဲ့ နံနက် ၇:၃၀ မှ ရန်ကုန်ဘူတာကြီးကထွက်တဲ့ ရိုးရိုးရထား ( အမှတ် ၈၁ ၊ အဆန်ရထား ) ကို အထက်တန်းကနေ စီးဖို့ ရွေးခဲ့ပါတယ်၊ တစ်ယောက်ထဲထွက်လာတာမို့ တစ်ယောက်ထဲပဲထိုင်ချင်တဲ့အတွက် အထက်တန်းဦးစားပေးခဲ့ပါတယ်၊ အထက်တန်းမှာတော့ တစ်ယောက်ထဲခုံ ၊ ၂ယောက်တွဲခုံ စသဖြင့် ရထားလက်မှတ်ဖြတ်တဲ့အခါ ရွေးလို့ရပါတယ်၊ Online ကနေပဲဖြစ်နိုင်ရင် ဖြတ်စေချင်ပါတယ်၊ မဖြတ်တတ်လို့ ဘူတာရောက်မှဝယ်တဲ့သူတွေ တစ်စောင်ကို ၅၀၀၀ ကျပ်ခန့်ပို​ပေးနေကြရတာ အသွားရော အပြန်ရော မြင်နေရပါတယ် ( လက်မှတ်ဖြတ်တဲ့အကြောင်းတွေကို သပ်သပ်တစ်ပို့စ်ထပ်တင်ပေးပါမယ် ) အထက်တန်းမှာတော့ Express Bus လို ထိုင်ခုံမျိုးနဲ့ နောက်လှန် / ခြေတင်ရပေမယ့် အတော်ကိုဟောင်းနေပါပြီ၊ အထက်တန်းကို Aircon နဲ့ထင်ခဲ့ပေမယ့်မဟုတ်ဘဲ ပန်ကာတွေနဲ့ပဲ ဖြစ်ပါတယ်၊ ခုံကိုလဲ သေချာရွေးလာပေမယ့် ရောက်တဲ့အခါ Online က Seating plan နဲ့ ပြောင်းပြန်ဖြစ်နေလို့ နောက်ဆုံးခုံယူတာ ရှေ့ဆုံးခုံဖြစ်သွားပြီး ရှေ့လာမယ့်မြင်ကွင်းတွေကို နောက်ကလူတွေလောက် ကြိုမမြင်ခဲ့ရပါဘူး၊ ဒါကြောင့် Online ကနေဖြတ်တဲ့သူများ ရန်ကုန် - မော်လမြိုင် / မော်လမြိုင် - ရန်ကုန် ရထားခရီးစဉ်တွေအတွက် Seating plan ကို ပြောင်းပြန်ကြည့်မှ အမှန်ရပါလိမ့်မယ် ရန်ကုန်ကနေ ထွက်ပြီဆိုတာနဲ့ တိုးကြောင်ကလေးလောက်ရောက်ပြီဆိုရင်ပဲ ရှုခင်းတွေက စိမ်းလန်းလာပါပြီ ၊ လေကောင်းလေသန့်တွေ ပိုရသလိုပါပဲ ရထားကလဲ ရိုးရိုးရထားဖြစ်တာမို့ အပြင်ဈေးသည်တွေ တက်လို့ရတဲ့အတွက် ကော်ဖီလား / လဖက်ရည်လား / အအေး / ထမင်းဘာညာ အကုန်ရပါတယ် ၊ အသည်ကို မပြတ်ပါဘူး ကိုယ်စားချင်တာလေးဝယ်စား ရှုခင်းလေးကြည့် လေလေးခံရင်း ရထားစီးရတာ အရမ်းကောင်းပါတယ် ရထားက ထွက်ရင် ဆွဲအားကြောင့်ဆောင့်ဆောင့်ထွက်ပါတယ် (DEMU လိုမငြင်သာပါဘူး )… အရှိန်လဲပိုနှေးပြီး အနည်းငယ်ခါယမ်းပါတယ် ( DEMU ကကျ အရမ်းငြိမ်ပါတယ် ) ၊ DEMU နဲ့ ယှဉ်ရင် ရိုးရိုးရထားက နှေးတဲ့အတွက် အချိန် ၂နာရီလောက်ပိုကြာလို့ အချိန်ပေးန်ိုင်တဲ့သူများ၊ ရထားပေါ် လာရောင်းတာလေးတွေစား၊ လေညှင်းခံ အေးဆေးသွားချင်သူတွေမှသာ ယခင် ရိုးရိုးရထားကိုရွေးစီးပါ ရထားဆိုက်ချိန်လေးတွေလဲ Video ထဲပြောပြထားတာမို့ ကိုယ်စီးတဲ့အခါ အချိန်မှန်းဆလို့ရပါလိမ့်မယ်၊ နောက်ဆက်တွဲက နောက်အပိုင်းမှ ဆက်ပြောပြပါမယ် 😀😀😀 #mawlamyaing #train #ရထား #DEMU #trip #travel #vlog #solotrip #myanmar #မြန်မာ #urban #nature #မီးရထား #မော်လမြိုင် #ဘားအံ #HpaAn #