ഇങ്ങനെയും പ്രണയിച്ചവരുണ്ടാകുമോ | ITHUMENTE NASHTA VASANTHATHINU shiju k parangodan johns jose

Malayalam poem ITHUMENTE NASHTA VASANTHATHINU lyrics Shiju K Parangodan Music Orchestration Vocal Johns Jose This content is Right to Shiju K Parangodan.Any Unauthorised Reproduction, Redistribution or Re-upload Is strictly Prohibited of this meterial .Legal action willbe taken against those who violatethe copyright of the following meterial presented send reviews    / @shijukparangodan   Facebook Shiju K Parangodan WhatsApp 9656206560 #kavita #malayalamkavithakal #malayalamsongs #malayalamsong #lovesong കവിത ഇതുമെൻ്റെ നഷ്ടവസന്തത്തിന്... ഒടുവിലീ വഴിയോര സന്ധ്യയിൽ നിന്നു നിൻ ഹരിനാമ കീർത്തനം കേട്ടു... ഒടുവിലീ വഴിയോര സന്ധ്യയിൽ നിന്നു നിൻ ഹരിനാമ കീർത്തനം കേട്ടു... കരളിലെ നൊമ്പര- പൂക്കൾ അടർന്നൊരീ മിഴിയിതൾ നനയുന്നതെന്തേ.. കനവുകൾ കാണാതൊളിച്ചു വെയ്ക്കുന്നു നാം ഇരുവരും അരുതേ അമർഷം.. ഏറെ കൊതിച്ചു ഞാൻ എത്തുവാറുണ്ടെന്നു- മീവഴിത്താരയിൽ തോഴീ.. അകലെയെങ്ങോ നിൻറെ പദനിസ്വനം കേൾക്കെ ഇടനെഞ്ചു പിടയുന്നു ഭദ്രേ.. തുടു വിരൽ തുമ്പിലെൻ കരളിൻ തുടിപ്പുമായ് മൃദുതന്ത്രി മീട്ടുന്ന നേരം.. പൊഴിയുമീ രാഗങ്ങളുതിരുന്ന നിശ്വാസ ബാഷ്പകണമായുറഞ്ഞിന്നെൻ ഇടനെഞ്ചിലുയിരാർന്ന വ്യർത്ഥ മോഹങ്ങളെ ഒരുവേള തഴുകിടുമെന്നോ.. തിങ്കളേ ഈ അന്ധകാരപരപ്പിലൊരു ജീവതാളം നീ ഉയർത്തേ.. തെന്നലേ അഭിശപ്തമീ- കനൽ കൂനമേൽ മൃദുമന്ത്രമായി നീ ഉയിർക്കേ.. ഇന്നലെ പെയ്ത പൂമഴയിലെൻ സ്വപ്നങ്ങൾ ശലഭമായ് ആടി തുടിക്കേ.. അഴലാർന്നൊരീ കരൾചില്ല തൻ തളിരിലത്തുമ്പിലെ ഹിമബിന്ദുവായ് നീ.. നിഴലാടുമീ നിശാവീഥികളിലിന്നുമാ നിലയ്ക്കാത്ത കൈവളക്കൊഞ്ചൽ.. നിനവിലെന്നുയിരിലെൻ കരളിൽ തുടിയ്ക്കുമീ കവിതയിലുമേതോ വിഷാദം.. സ്നേഹ വിശ്വാസങ്ങ- ളട വെച്ച് വിരിയാതെ കാലം കവർന്നു പോയെന്നോ.. പൊഴിയും എന്നോർത്തീ നറും പൂക്കളെന്നിലെ പ്രണയം നിരാകരിച്ചെന്നോ.. കണ്ണീരിനാൽ മനം തർപ്പണം ചെയ്തു ഞാൻ പുനർജന്മമില്ലാതെ പോകാൻ.. കണ്ണീരിനാൽ മനം തർപ്പണം ചെയ്തു ഞാൻ പുനർജന്മമില്ലാതെ പോകാൻ.. പറയുവാൻ ഇനിയുമുണ്ടേറെ എന്നോമലേ വാക്കുകൾക്കായ് ഞാൻ തിരഞ്ഞൂ.. പിരിയുവാൻ നേരമാ കണ്ണിലെ പിൻവിളി ഓർക്കാതെ ഞാനകലുന്നൂ.. യാമങ്ങളിൽ ദൂരെ മിഴിനീർ പൊഴിച്ചങ്ങുറങ്ങാതെ ഏതോരു താരം.. നിന്നെയോർത്താവാം ഉറങ്ങാതിരിക്കുന്നു നിറകണ്ണുമായി ഈ ഞാനും.. തൂമഞ്ഞു തുള്ളികൾ ഇറ്റിറ്റുവീഴുന്നൊരീ നിലാ- ച്ചില്ലയ്ക്ക് കീഴേ.. കാർമേഘവർണ്ണൻ്റെ പുല്ലാങ്കുഴൽ നാദമിടറുന്ന കാറ്റായ് പറന്നൂ.. ദേവതേ നിൻ നാമ- മന്ത്രങ്ങളാലെൻ്റെ ജീവനിൽ പൊഴിയും സുഗന്ധം.. ഇനിയുമീ ഇരുളാർന്നൊരിടവഴികളിൽ കൈ വിളക്കുമായ് നീ കൂട്ടു വരുമോ.. കുയിലിണകൾ പാടി തളർന്നു ചേക്കേറുമ്പോൾ ഒരു സാന്ത്വനത്തൂവലേകാൻ.. ദൂരെ മുകിൽ കൂടിനുള്ളിൽ തുളുമ്പുന്ന പൈമ്പാലുമായ് ഇന്ദുലേഖ.. ചാരെ വന്നീമാറിലിളവേൽക്കുവാൻ വൈകിയണയുന്നതെ- ന്തെൻ കിനാവേ... ദൂരെ ഏതോ രാത്രി മഴ- തൻ നനുത്ത കൈവിരലിലെ സ്നേഹ സന്ദേശം.. അഴലാർന്നതിൻ അർത്ഥ വീചികൾ ചികയുമ്പോൾ ഇളപാടുമൊരു ഹംസഗീതം.. ഒരു ചെമ്പകപ്പൂവിലി- തളാർന്നുനിൽക്കുന്നൊ- രായിരം സ്നേഹഗീതങ്ങൾ.. ഒരു കുഞ്ഞു കണ്ണിൽ തുടിക്കുന്നൊരീറനാം ഒരുകോടി നൊമ്പരപൂക്കൾ.. സ്വപ്ന തീരങ്ങളിൽ ഏകാകിയായി മൂകമിടറും കരൾ താളമോടെ.. അലയുമീ കാറ്റും ഉരുകി കഴിക്കുന്നു നിൻ നിരുപമസ്നേഹ ഗീതങ്ങൾ.. അതിലോലമെൻ മനോ വാടിയിൽ രാഗാർദ്രകല്ഹാരമായ് നീ വിരിഞ്ഞു.. വഴിതെറ്റിയണയും വസന്തകാലത്തിലും വിടരാൻ വിതുമ്പുന്ന പൂ പോൽ.. വിസ്മൃതമാകുമീ ഓർമ്മകൾക്കൊക്കെയും ചെമ്പനീർ പൂവിൻ സുഗന്ധം.. നഷ്ട സ്വപ്നങ്ങൾക്ക് കൂട്ടിരിക്കാൻ അരികിലെൻ നിഴൽ മാത്രമെന്നും.. ഇഷ്ടമാണിന്നും എനിക്കു നിൻ മിഴിയിലെ ആർദ്രമാം പുഞ്ചിരി പൂക്കൾ.. ജീവൻറെ ഒരുതുള്ളി ഒരുതുള്ളി മാത്രമെൻ കവിതയിൽ ശേഷിക്കുവോളം.. ഓമലേ ഓർക്കാതിരിക്കില്ല നിൻ മുഖം ഇനി ഞാനുറങ്ങട്ടെ സ്വസ്ഥം.. ഓമലേ ഓർക്കാതിരിക്കില്ല നിൻ മുഖം ഇനി ഞാനുറങ്ങട്ടെ സ്വസ്ഥം.. ഇനി.. ഞാനുറങ്ങട്ടെ.. സ്വസ്ഥം.. ഷിജു കെ പറങ്ങോടൻ