🔴നീ പോകെ | സിഎസ് രാജേഷ് |NEE POKE | C S RAJESH

നീ പോകെ പുഴ വറ്റിയ പോലെ നീ പോകെ മഴ തോർന്നതു പോലെ നീ പോകെ നിലാവു കെട്ടതുപോലെ നീ പോകെ വെയിലിൽ പെട്ടതു പോലെ പെട്ടെന്നെൻ ചില്ലകളിൽ പൂക്കൾ വിരിയാതായി പെട്ടെന്നെൻ ശാഖികളിൽ കിളികൾ പാടാതായി ഇലകൾ എന്നിലകൾ വേനൽ ത്തീയിൽ കത്തുകയായി വേരായ വേരുകളേതോ ലാവയിലുരുകുകയായി ഞാൻ നൂർക്കും കുടയോരോന്നും കാറ്റിൽ കാണാതായി ഞാനിട്ട ചെരുപ്പു തുളയ്ക്കും മുള്ളുകൾ തീരാതായി ഞാനെഴുതും വാക്കുകളൊന്നും തീരെ തെളിയാതായി എൻ കൈപ്പട എനിക്കു പോലും തീരെ തിരിയാതായി ഒരുവഴിയും ഒരിടത്തേക്കും എന്നെ വിളിക്കാതായി ഒരിടത്തും ഒരുവഴിയേയും പോകാനില്ലാതായി ഒരു പാട്ടും ഒരു കൊട്ടും പിന്നെന്റേതല്ലാതായി ഒരു മണവും ഒരു രുചിയും പിന്നെന്റേതല്ലാതായി നീ പോകെ പുഴ വറ്റിയ പോലെ നീ പോകെ മഴതോർന്നതു പോലെ നീ പോകെ നിലാവു കെട്ടതുപോലെ നീ പോകെ വെയിലിൽ പെട്ടതു പോലെ