Çipsi gətirən avtomobil gömrükdən 18 kq qızıl-zinət əşyaları aşkarlandı - Baku TV

Çipsi gətirən avtomobil gömrükdən 18 kq qızıl-zinət əşyaları aşkarlandı - Baku TV Gömrükdən gizli yolla keçirilən 18 kiloqram qızıl-zinət əşyası aşkar edilib. Dövlət Gömrük Komitəsindən verilən məlumata görə, ölkə ərazisinə Gürcüstandan çips yükü gətirən "Mercedes-Benz" markalı avtomobil "Qırmızı Körpü" gömrük postuna daxil olub. Yük avtomobilinə rentgen qurğusu ilə baxış zamanı avtomobilin arxa təkərlərinin arasında yerləşən hava balonunda şübhəli cizgilər qeydə alınıb. Hava balonunun isə yalnız mütəxəssis köməyi ilə açılması mümkün olduğu üçün həmin nəqliyyat vasitəsi postun terminalında saxlanılıb. Bu müddətdə sürücünün avtomobilin alt hissəsində, şübhəli cizgilərin qeydə alındığı yerdə hərəkət etdiyi müşahidə olunub. Bundan sonra sürücü əlində bağlamalarla saxlanılıb. Nəqliyyat vasitəsinə baxış zamanı isə hava balonunda əlavə bağlamaların da gizlədildiyi məlum olub. Daha sonra bağlamalarda xeyli miqdarda qızıl-zinət əşyası - 761 ədəd qolbaq, 754 ədəd boyunbağı, 783 cüt sırğa, 118 ədəd kulon, 198 dəst boyunbağı-kulon, 7 dəst qolbaq-boyunbağı, 11 dəst kulon-üzük-sırğa, 11 dəst üzük-sırğa, 3 dəst üzük-qolbaq, 5 dəst üzük-boyunbağı-sırğa, 2 dəst boyunbağı-bilərzik-üzük-sırğa, 8 ədəd tək sırğa və 14 qram boyunbağı aşkarlanıb. Aşkarlanan zərgərlik məmulatlarının ümumi çəkisinin 18 kiloqram 172 qram olduğu müəyyən edilib. ________________________________ Pulsuz Elanlar:https://www.tut.az Website: https://www.baku.tv Bizi izləyin: https://bit.ly/2Y75DEU **** Bizi Sosial Şəbəkələrdə izləyin Facebook:   / www.baku.tv   Instagram:   / __baku_tv__   Tiktok: https://vm.tiktok.com/ZSedJCFK8 **** Kanalımızın məqsədi dünyada və ölkədə baş verən ən vacib və maraqlı xəbərləri Azərbaycan və Rus dillərində geniş auditoriyaya çatdırmaqdır **** 2018/2021 © All Rights Reserved ℗ Baku TV #BakuTv #Azerbaycan #trend