26 milyon manatlıq narkotik vasitə aşkar edildi - Baku TV

26 milyon manatlıq narkotik vasitə aşkar edildi - Baku TV Dövlət Gömrük Komitəsinin əməkdaşları ümumi çəkisi 218 kq 334 qram olan narkotik vasitənin gömrük nəzarətindən gizlədilərək keçirilməsi cəhdinin qarşısını alıblar. Cənub Ərazi Baş Gömrük İdarəsinin Biləsuvar gömrük postunda İran İslam Respublikasından Azərbaycana "maye sabunlar və uşaq bezi" yükü gətirən "Scania" markalı yük avtomobili saxlanılaraq gömrük nəzarətinə cəlb edilib. Yük nəqliyyat vasitəsi rentgen qurğusundan keçirilən zaman avtomobilin dartıcısının sol və sağ tərəfində eyni ölçülü yanacaq çənlərinin hər ikisinin içərisində şübhəli cizgilər müşahidə olunub. Bundan sonra "Scania" markalı yük avtomobili ətraflı yoxlanılıb və çənlərin hər ikisinin içərisinin sonradan kustar üsulla metal lövhə ilə üç hissəyə bölündüyü məlum olub. Yoxlama məqsədilə yanacaq çənləri köməkçi alətlər vasitəsilə sökülüb. Baxış zamanı üç hissəyə bölünən sol çənin sağ hissəsindəki xüsusi saxlanc yerindən 48 ədəd, dartıcının sağ tərəfində olan yanacaq çəninin içərisindəki xüsusi saxlanc yerindən isə 157 ədəd olmaqla, ümumilikdə 205 ədəd təqribən eyni ölçülü və düzbucaqlı formalı bağlamalar aşkarlanıb. Həmin bağlamalarda preslənmiş halda, açıq-qəhvəyi rəngli, ümumi çəkisi 218 kq 334 qram narkotik vasitə - heroin olduğu müəyyən edilib. Aşkar edilən heroinin Avropanın qara bazarında dəyəri 26 milyon manat təşkil edir. Faktla bağlı araşdırma aparılır. Qeyd edək ki, Cənub Ərazi Baş Gömrük İdarəsinin “Astara” gömrük postunun əməkdaşları bir neçə gün bundan öncə iki fakt üzrə ümumi çəkisi 622 kiloqram 75 qram olan narkotik vasitənin gömrük nəzarətindən gizlədilərək keçirilməsi cəhdinin qarşısını alıblar. ________________________________ Pulsuz Elanlar:https://www.tut.az Website: https://www.baku.tv Bizi izləyin: https://bit.ly/2Y75DEU **** Bizi Sosial Şəbəkələrdə izləyin Facebook:   / www.baku.tv   Instagram:   / __baku_tv__   Tiktok: https://vm.tiktok.com/ZSedJCFK8 **** Kanalımızın məqsədi dünyada və ölkədə baş verən ən vacib və maraqlı xəbərləri Azərbaycan və Rus dillərində geniş auditoriyaya çatdırmaqdır **** 2018/2021 © All Rights Reserved ℗ Baku TV #BakuTv #Azerbaycan #trend