અમેરિકામાં ઈલીગલ ઈમિગ્રન્ટ્સને જોબ પર રાખનારા ગુજરાતીઓ હવે સાવધાન રહે

અમેરિકામાં શરૂ થયેલા માસ ડિપોર્ટેશનમાં ક્રિમિનલ ઈલીગલ એલિયન્સને પકડવા ટોપ પ્રાયોરિટી છે તેવું ભલે કહેવાતું હોય પરંતુ ક્રિમિનલ્સની સાથે-સાથે જેમણે અમેરિકામાં ઈલીગલી આવવા સિવાય બીજો કોઈ ગુનો નથી કર્યો તેમની પણ હવે ધરપકડ થઈ રહી છે જેમાં વર્કપ્લેસ પર પડેલી રેડ્સમાં પકડાયેલા લોકોનો પણ સમાવેશ થાય છે. અત્યારસુધી કોઈ બિઝનેસ ઓનરને ઈલીગલ લોકોને કામ પર રાખવા બદલ અરેસ્ટ કરી તેની સામે કાયદાકીય કાર્યવાહી કરવામાં આવી હોય તેવી ઘટના ભાગ્યે જ બની છે પરંતુ ટેક્સસમાં થયેલી એક રેડમાં અનડોક્યુમેન્ટેડ વર્કર્સને જોબ પર રાખનારા એક ઓનરને અરેસ્ટ કરવામાં આવ્યો છે.