હ્યુસ્ટનમાં ઈલીગલ ઈમિગ્રન્ટને શૂટ કરી દેવાના કેસમાં નવો ટ્વીસ્ટ

ગત મંગળવારે ટેક્સસમાં જે ઈલીગલ ઈમિગ્રન્ટને ICEના એજન્ટે શૂટ કરી દીધો હતો તે પ્રકરણમાં હવે નવો ધડાકો થયો છે. DHSનું એવું કહેવું છે કે લોરેન્ઝો સાલ્ગાડો નામના આ 52 વર્ષીય મેક્સિન ઈમિગ્રન્ટ કાર ચલાવી રહ્યો હતો, તેને ગાડી સાઈડમાં લેવા માટે એજન્ટે ઈશારો કર્યો હતો પરંતુ લોરેન્ઝોએ ગાડી એજન્ટ પર ચઢાવી દેવાનો પ્રયાસ કરતા ફરજ પર તૈનાત ICE એજન્ટે લોરેન્ઝોને શૂટ કરી નાખ્યો હતો. જોકે, લોરેન્ઝો સાથે તેની કારમાં સવાર ત્રણ લોકોનું એવું કહેવું છે કે તેણે ICEના એજન્ટ્સ પર ગાડી ચઢાવવાનો પ્રયાસ કર્યો હતો તે વાત સાવ ખોટી છે અને ખરેખર તો એજન્ટોએ ગાડી પર આડેધડ ફાયરિંગ કરતાં એક ગોળી લોરેન્ઝોના પેટમાં ખૂંપી ગઈ હતી જેના કારણે તેનું મોત થઈ ગયું હતું.