DC SIHA AFUNGUKA KUHUSU VURUGU ZILIZOTOKEA KWENYE MAZISHI, JENEZA KUWEKWA KWENYE GARI LAKE

Wakati mwili wa kijana Emmanuel Mwandry(20) ukizikwa chini ya ulinzi wa Jeshi la polisi saa 2:30 usiku jana baada ya kuibuka vurugu katika mazishi yake, Mkuu wa wilaya ya Siha, Mkoani Kilimanjaro, Dk Christopher Timbuka amefunguka na kusimulia kilichotokea. Vurugu hizo zilitokana na madai ya kukamatwa kwa madereva wenzao mjini Moshi ambao walikuwa kwenye msafara wa kwenda kuchukua mwili hospitali ya Rufaa ya kanda ya Kaskazini, KCMC. Kutokana na vurugu hizo madereva hao wa bodaboda walizuia shughuli za mazishi kuendelea nyumbani kwa wazazi wa marehemu hadi usiku ndipo mkuu wa wilaya hiyo alipolazimika kufika msibani hapo na kutuliza vurugu hizo bila mafanikio.