Deel 2. Wie is jy? Waarheen is jy op pad?

Ons gesels verder oor " Wie is jy? en Waarheen is jy op pad?" Dis nadenke oor ons identiteit in Christus en waarheen ons op pad is vanuit ons identiteit in Christus. Jesus praat hieroor in Joh.15:1-5. Hy sê dat Hy die ware wingerdstok is, ons die lote en dat ons as lote vrug moet dra. Wingerde was ‘n uiters kosbare besitting en baie spesiaal vir die eienaar in die antieke tyd. As Jesus dus praat oor wingerd en vrug dra, is dit iets wat daardie mense baie goed verstaan het. In daardie tyd is wingerde met mure omhein en daar was ‘n hoë uitkyktoring gebou om oor dit wag te hou. God vergelyk sy verhouding met Israel ook so. Lees gerus Ps.80:9;13-14 en Jes.5:1-7.