E390 | వరిలో అంతర పంటలు సాధ్యమే | ధనబాబు | పార్వతీపురం మన్యం జిల్లా

పార్వతీపురం మన్యం జిల్లా దుగ్గేరు గ్రామానికి చెందిన రైతు గద్దె ధనబాబు, ఎనిమిదేళ్లుగా ప్రకృతి వ్యవసాయం చేస్తూ వరిలో అంతరపంటల సాగుతో ఆదర్శంగా నిలుస్తున్నారు. రైజ్డ్ ప్యాడి బెడ్స్ విధానంలో వరితో పాటు ఆకుకూరలు, కూరగాయలు, దుంపజాతి పంటలు, గట్లపై పండ్ల చెట్లు సాగు చేసి జీవవైవిధ్యాన్ని పెంపొందించారు. ద్రవ జీవామృతం, ఘన జీవామృతం, మల్చింగ్ వంటి ప్రకృతి వ్యవసాయ పద్ధతులతో తక్కువ నీరు, తక్కువ పెట్టుబడితో అధిక దిగుబడిని సాధిస్తున్నారు. ప్రధాన పంట కోతకు ముందే అంతరపంటల ద్వారా పెట్టుబడిని తిరిగి పొందడంతో పాటు అదనపు ఆదాయాన్ని సంపాదించారు. ఈ విధానం వల్ల నేల సారవంతం పెరగడం, మిత్ర పురుగులు, వానపాములు అభివృద్ధి చెందడం వలన రైతులకు ఆసక్తి పెరగడంతో సానుకూల ఫలితాలు కనిపిస్తున్నాయని ఆయన తెలిపారు.