E388 | పునరజ్జీవంతో పెరుగుతున్న దిగుబడులు | బడుగు జయశ్రీ | బాపట్ల జిల్లా

బాపట్ల జిల్లా అల్లూరు గ్రామానికి చెందిన రైతు శ్రీమతి జయశ్రీ, ఏడు సంవత్సరాలుగా ప్రకృతి వ్యవసాయం చేస్తూ బీడు భూమిని సారవంతమైన పొలంగా మార్చిన విజయగాథను పంచుకుంటున్నారు. ఒక ఎకరం భూమిలో పీఎండీఎస్, ఘనజీవామృతం, ద్రవ జీవామృతం, వరి లైన్ సోయింగ్ వంటి ప్రకృతి వ్యవసాయ పద్ధతులను క్రమంగా అమలు చేయడంతో భూమిలో కర్బన శాతం పెరిగి, సూక్ష్మజీవుల చైతన్యం పునరుద్ధరించబడింది. ఫలితంగా వరి దిగుబడి ఏడాదికేడాది పెరగడంతో పాటు, గట్లపై కూరగాయలు, పండ్లు చెట్లను సాగు చేసి అదనపు ఆదాయాన్ని పొందుతున్నారు. పశుపోషణను కూడా సాగుతో అనుసంధానం చేసి ఖర్చులు తగ్గించడంతో పాటు భూమి ఆరోగ్యం, కుటుంబ ఆదాయం రెండింటినీ మెరుగుపరుచుకున్నారు. ఆమె విజయాన్ని చూసి పలువురు రైతులు ప్రకృతి వ్యవసాయం వైపు అడుగులు వేస్తున్నారు.