Şamaxıda son vəziyyət! Kəmallədin Heydərov ŞAMAXIDA!

Fövqəladə hallar naziri Kəmaləddin Heydərov Şamaxıya gedib. "Qafqazinfo" xəbər verir ki, bu barədə Trend-ə Şamaxı Rayon İcra Hakimiyyətindən məlumat verilib. Məlumatda bildirilir ki, zəlzələ ilə bağlı fövqəladə hallar naziri Kəmaləddin Heydərov Şamaxıya gedib: "Hazırda nazir və rayon rəhbərliyi hadisə nəticəsində dağıntı olan əraziyə baxış keçirir. Komissiya dəymiş zərərin müəyyənləşdirilməsinə başlayıb". *** Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin direktoru Qurban Yetirmişli Şamaxıda baş vermiş zəlzələ haqqında açıqlama verib. O, “Qafqazinfo”ya açıqlamasında qeyd edib ki, hazırda Şamaxıdadır: “Burada sakitlikdir. Hazırda zəif təkanlar müşahidə olunur. Ancaq bu qorxulu deyil”. *** "Qafqazinfo"nun əməkdaşının verdiyi məlumata görə, nazir Kəmaləddin Heydərovla icra başçısı Tahir Məmmədov hadisə nəticəsində zərər görmüş evlərə baş çəkiblər. Şamaxıda baş verən zəlzələ nəticəsində məktəblərdən birinə ziyan dəyib. “Qafqazinfo” xəbər verir ki, rayonda fəaliyyət göstərən 2 saylı məktəb qəzalı vəziyyətə düşüb. Hazırda məktəbdə dərslər dayandırılıb. Şamaxı rayonunda zəlzələdən sonra xəstəxanalara müraciət edənlərin sayı 30-a çatıb. Səhiyyə Nazirliyindən “Qafqazinfo”ya verilən məlumata görə, hazırda rayon xəstəxanaları gücləndirilmiş iş rejimində işləyir: “Xəstəxanalara ümumi 30 nəfər müraciət edib, 3 nəfər travmotologiya şöbəsinə çatdırılıb. Bir nəfərin qolu sınıb, iki nəfər ayağından xəsarət alıb. Müraciət edənlərin əksəriyyəti həyəcandan təzyiqi qalxan şəxslər olub. Bir nəfər cavan adamın həyəcandan dili tutulub, yardım göstəriləndən sonra özünə gəlib və evə buraxılıb. Digərlərinə də lazımi tibbi yardım göstərilib. Bir nəfərin həyəcandan beyninə qan sızıb, reanimasiya şöbəsinə yerləşdirilib, vəziyyəti ağırdır”. ►Sosial şəbəkələrdə bizi izləyin! ►Facebook! @cnltvyoutube ►Facebook Messenger:m.me/cnltvyoutube ►İnstagram!  / cnltv   ►Poçt ünvanımız: [email protected] Mobil tetbiqi yukle: http://www.appsgeyser.com/4486210