Kwaya ya Kanisa la Waadventista wa Sabato-Mwisenge & Bibi Tezira Kerenge

Jumanne, tarehe 18 Agasti 2020. Makambi ya Mtaa wa #Mwenge Dar es Salaam. Kanisa la Waadventista wa Sabato Mwenge. Hapa bibi Tezira Kerenge akiimba wimbo unaoitwa "Kurwa Kikanyenda" (Kwa Nini Ananipenda Sana)" kwa lugha ya kijita. Hii ni baada ya kupewa zawadi maalum na kwaya ya Kanisa la Waadventista wa Sabato Mwisenge (Musoma). Kwaya ya Mwisenge imekuwa kwaya kuu ya Mkutano wa Makambi kwa mwaka huu wa 2020. Bibi Tezira Kerenge ni mmoja wa washiriki waasisi wa Kanisa la Waadventista wa Sabato Mwenge akiwa na marehemu mumewe, Mzee Julius Zakayo Kerenge (aliyefariki mwaka 1993). Marehemu mzee Kerenge aliwahi kushika nyadhifa mbalimbali za uongozi kanisani Mwenge ikiwapo na uzee wa Kanisa. Bibi Tezira amedumu kuwa mwanakwaya wa kwaya ya wanawake- Dorkas kwa muda mrefu. Ni mama anayempenda Mungu na mshiriki mwenye bidii. Pamoja na changamoto za uzee mwingi na maradhi zilizomletea kutoona (upofu), bado amedumu kuwa mwenye bidii isiyokoma katika mambo ya kiroho. Ushuhuda wa maisha yake haya ya kumcha Mungu katikati ya changamoto alizonazo unasimama kama karipio kali kwa waumini vuguvugu na wenye umri mdogo kuliko yeye. Je, unaandika historia gani ya maisha yako leo? Ka Bibi Tezira, je, yapi yanayosemwa kukuhusu wewe sasa ungali hai? Je, unahisi haja ya mabadiliko katika mwenendo wa maisha yako? Mungu anakupenda sana. Hata akajitoa kukufia katika nafsi ya Yesu Kristo ili alipe deni la dhambi kwa ajili yako na jamii yote ya wanadamu. Tubu sasa na mpokee Yesu kama Bwana na Mwokozi wa maisha yako, nawe utapata kipawa cha Roho Mtakatifu, atakayekuwezesha kuishi maisha yampendezayo Mungu. Mungu akubariki, unapoazimia kumpokea Yesu sasa, na kuandika historia chanya ya kiroho na kwa jamii ya wanadamu wanaokuzunguka Kwa ajili ya kupata masomo [mahubiri] mengine ya MAKAMBI Mwenge -2020, fuata kiunganishi hiki: https://bit.ly/Makambi-Mwenge-2020