Lauga Aso Sa 21/09/2025 - Rev. Penieli Tela | EFKAS Alofisa O Le Atua

Sunday Service every Sunday Location: 297-305 Old Castlereagh Rd, Castlereagh NSW 2749 Time: 10am ━━━━━━━━━━━━━━━━━━━━━━━━━━━━━━━━ Tusi Faitau Aso EFKAS 2025 PĀLENI (BALANCE) Aso Sā – Setema 21: “O mea uma ua paleni” (Everything in balance) Tusi Faitau – Failauga 3: 1-8 Matua – ff. 1, 4: “O le mea ma lona tausaga i mea uma, ma ona lava po i mea uma lava i lalo o le lagi;... o ona po e tagi ai, ma ona po e ‘ata’ata ai; o ona po e taufaitagitu’i ai, ma ona po e sa’asa’a ai.” O upu ia o le Tusi a Failauga, e lagona pea i taimi o sauniga o maliu. O taimi o le loto fa’anoanoa ma le loifofoga maligi, ona ua motusia le mafutaga ma nisi. A e o lo’o ta’oto ai le taumafai o le Tusi o Failauga, ina ia o gatasi taimi fiafia o le soifuaga o le tagata; fa’apea fo’i ona taimi fa’anoanoa. A o le gasologa masani lea o le soifuaga o lo’o tatou ola ai. O aso o le fiafia, fa’apea fo’i aso o le loto mafatia ma fa’anoanoaga. Ua mae’a ona fa’ata’oto e le Atua, le alafua o lo tatou ma lona gasologa ina ia paleni aso o lo tatou ola i le lalolagi lē tumau. O upu a le atunu’u, e lē lagi lelei pea aso uma. O le upu moni, e fetaia’i pea i tatou ma faigata o lenei soifuaga. E i ai aso e lagona ai lo tatou loto mafatia ma lagona fa’anoanoa, pe a motusia mafutaga ma nisi e pele i o tatou loto i le oti. A o le fe’au taulogologo a le Talalelei, ia o tatou iloa ona fa’apaleni aso ma taimi o lo tatou ola. Aua fo’i ne’i avea aso faigata ma fa’anoanoaga, e fa’avaivai ai lo tatou ola fa’atuatua i le Atua. O le finagalo alofa lena o le Atua e ala i lana foafoaga, ina ia paleni mea uma ma lona gasologa.