Lauga Aso Sa 07/07/2026 - Rev. Alosio Mikaele | EFKAS Alofisa O Le Atua

Felāugāina Matāgaluega a Niu Sila ma Ausetālia 2026 ⛪ Sunday Service — Every Sunday 📍 Location: 297–305 Old Castlereagh Rd, Castlereagh NSW 2749 ⏰ Time: 10:00AM ━━━━━━━━━━━━━━━━━━━━━━━━━━━━━━━ 📖 Tusi Faitau Aso EFKAS 2026 ISAIA 1-39 Lavea’i mai i le fa’amasinoga (Rescued from Judgement) Aso Sā – Iuni 7: “Omaia se’i tatou fefa’asoa’ai” (Come now let us reason) Tusi Faitau – Isaia 1: 10-20 Matua – ff. 16, 17: “Ia fafano ia outou, ina fa’amama ia outou; fa’ate’a ese ia a outou galuega leaga i o’u luma, soia tou te fai mea leaga. Ia outou fa’amasani i le amio lelei, sailiili ia i le fa’amasinoga; ia outou fa’asaoina le ua sauaina, ia outou fa’amasino i le ua matuaoti, ia outou finau mo le fafine ua oti lana tane.” Ua ala atu i le perofeta o Isaia le valaau atu a le Atua i le fanauga a Isaraelu. Ia latou omai se’i o latou fefa’asoaa’i ma ta’u atu ia i latou lona le fiafia ma lona inoino i a latou osiga taulaga. Aua ua latou omai i ona luma ma taulaga e tele ae le aoga. O taulaga mu ma mea manogi, ae ua latou le iloa le Atua. Ua tupu tele le agasala ma le amio leaga ma ua latou inoino i le paia o le Atua. O se avega mamafa lea i le Atua, ma o lo’o fia fa’ailoa atu e le Atua, a fa’aloaloa atu o latou lima ma tetele atu a latou tatalo, e alo ese ona fofoga ma i latou. Aua ua tumu o latou lima i le toto. O lea ia latou fafano ai ma fa’amama o latou lima, ona o mea leaga o lo’o latou faia. A ia latou amio lelei, ma sailiili i le fa’amasinoga tonu, ia latou laveai atu i e ua fa’asauaina, ia latou puipui atu i e ua matua oti, ma ia latou finau mo le fafine ua oti lana tane. O le finagalo o le Atua, ia latou ola fa’amamaina, ma toe fa’afouina la latou mafutaga vava lalata ma ia.