ਗੀਤ - ਇਹ ਜਿੰਦ ਤੇਰੇ ਲੇਖੇ ਨੀ, ਲੈਰਿਕਸ - ਰਾਜਿੰਦਰਾ ਬਰਨਾਲਾ

     'ਜਿੰਦ ਤੇਰੇ ਲੇਖੇ ਨੀ' ਤੇਰੇ ਰੂਪ ਦੇ ਲਿਸ਼ਕਾਰੇ, ਫਿੱਕੇ ਅੰਬਰਾਂ ਦੇ ਚੰਨ ਤਾਰੇ। ਤੇਰੀ ਤੋਰ ਦੇਖ ਮਸਤਾਨੀ, ਮੋਰ ਨੇ ਪੈਲਾਂ ਪਾਉਣੋ ਹਾਰੇ। ਮੈਂ ਹਾਂ ਤੇਰਾ ਨੀ ਚਿੱਤ ਚੋਰ, ਤੇਰੇ ਜਿਹਾ ਨਾ ਕੋਈ ਹੋਰ। ਬਣੇ ਪਿਆਰ ਇੱਕ ਮਿਸਾਲ, ਦੁਨੀਆ ਖੜ੍ਹ ਖੜ੍ਹ ਦੇਖੇ ਨੀ। ਵਫ਼ਾ ਦੇਖ ਮੇਰੀ ਅਜਮਾਕੇ, ਜਿੰਦ ਇਹ ਤੇਰੇ ਲੇਖੇ ਨੀ। ਜਿੰਦ ਇਹ ਤੇਰੇ ਲੇਖੇ ਨੀ। ਰਹੇ ਇਸ਼ਾਰੇ ਕਰਦੀ, ਉੱਡ ਉੱਡ ਚੁੰਨੀ ਤੇਰੀ ਨੀ। ਤਾਂਘ ਸਾਨੂੰ ਹੈ ਰਹਿੰਦੀ, ਕਦ ਆ ਪਾਵੇਂ ਫੇਰੀ ਨੀ। ਲੁੱਟੇ ਅੱਖ ਤੇਰੀ ਮਸਤਾਨੀ। ਕਾਲੀ ਗਲ ਤੇਰੇ ਦੀ ਗਾਨੀ। ਤੂੰ ਮਹਿਕਾਂ ਵੰਡਦੀ ਡਾਲੀ, ਫੁੱਲਾਂ ਦੇ ਪੈਣ ਭੁਲੇਖੇ ਨੀ। ਵਫ਼ਾ ਦੇਖ ਮੇਰੀ ਅਜਮਾਕੇ, ਜਿੰਦ ਇਹ ਤੇਰੇ ਲੇਖੇ ਨੀ। ਜਿੰਦ ਇਹ ਤੇਰੇ ਲੇਖੇ ਨੀ। ਤੂੰ ਨਾਲ ਮੇਰੇ ਹੈ ਰਹਿੰਦੀ, ਮੇਰਾ ਬਣ ਪਰਛਾਵਾਂ ਨੀ। ਕਰੇਂਗੀ ਕਦ ਆ ਕੇ, ਸਾਨੂੰ ਜ਼ੁਲਫ਼ਾਂ ਦੀਆਂ ਛਾਵਾਂ ਨੀ। ਤੇਰੀ ਚਾਲ ਵਲੇਵੇਂ ਵਾਲੀ। ਨੀ ਮੈਂ ਤੱਕਾਂ ਬਣ ਸਵਾਲੀ। ਰੂਹ ਖੜ੍ਹੀ ਉਡੀਕ ਦੇ ਰਾਹੀਂ, ਰਾਹ ਤੇਰਾ ਈ ਦੇਖੇ ਨੀ। ਵਫ਼ਾ ਦੇਖ ਮੇਰੀ ਅਜਮਾਕੇ, ਜਿੰਦ ਇਹ ਤੇਰੇ ਲੇਖੇ ਨੀ। ਜਿੰਦ ਇਹ ਤੇਰੇ ਲੇਖੇ ਨੀ। ਆ 'ਜਿੰਦ' ਦੇ ਕੋਲੇ ਬਹਿਕੇ, ਆਪਣੇ ਦੁੱਖ ਸੁਣਾਈਏ ਨੀ। ਰਹਿ ਨਾ ਜਾਏ ਅਧੂਰਾ, ਰਿਸ਼ਤਾ ਸਿਰੇ ਚੜ੍ਹਾਈਏ ਨੀ। ਮੈਨੂੰ ਵੱਢ ਵੱਢ ਝੋਰਾ ਖਾਵੇ। ਰੁੱਤ ਅਜਾਈਂ ਨਾ ਤੁਰ ਜਾਵੇ। ਤੁਰ ਜਾਣ ਨਾ ਸੁਪਨੇ ਰੋਕੇ, ਅਣਵਿਆਹੇ ਅਣਦੇਖੇ ਨੀ। ਵਫ਼ਾ ਦੇਖ ਮੇਰੀ ਅਜਮਾਕੇ, ਜਿੰਦ ਇਹ ਤੇਰੇ ਲੇਖੇ ਨੀ। ਜਿੰਦ ਇਹ ਤੇਰੇ ਲੇਖੇ ਨੀ। ਜਿੰਦ ਇਹ ਤੇਰੇ ਲੇਖੇ ਨੀ। ਬਣੇ ਪਿਆਰ ਇੱਕ ਮਿਸਾਲ, ਦੁਨੀਆ ਖੜ੍ਹ ਖੜ੍ਹ ਦੇਖੇ ਨੀ। ਵਫ਼ਾ ਦੇਖ ਮੇਰੀ ਅਜਮਾਕੇ, ਜਿੰਦ ਇਹ ਤੇਰੇ ਲੇਖੇ ਨੀ। ਜਿੰਦ ਇਹ ਤੇਰੇ ਲੇਖੇ ਨੀ। ਜਿੰਦ ਇਹ ਤੇਰੇ ਲੇਖੇ ਨੀ। ਜਿੰਦ ਇਹ ਤੇਰੇ ਲੇਖੇ ਨੀ।