# ਗੀਤ - ਛੁਪ ਨਾ ਤੂੰ ਬੱਦਲਾਂ 'ਚ, ਲੈਰਿਕਸ - ਰਾਜਿੰਦਰਾ ਬਰਨਾਲਾ

[Verse 1] ਛੁਪ ਨਾ ਤੂੰ ਬੱਦਲਾਂ 'ਚ, ਚੰਨਾ ਅਸਮਾਨ ਦਿਆ, ਸਾਨੂੰ ਤੇਰੀ ਚਾਨਣੀ ਦਾ ਭਾਅ। ਸਾਨੂੰ ਤੇਰੀ ਚਾਨਣੀ ਦਾ ਭਾਅ। ਸੱਜਣਾ ਦਾ ਖ਼ਤ ਆਇਆ, ਪਹਿਲੇ ਵੇ ਪਿਆਰ ਵਾਲਾ, ਪੜ੍ਹਨੇ ਦਾ ਸਾਨੂੰ ਬੜਾ ਚਾਅ। ਪੜ੍ਹਨੇ ਦਾ ਸਾਨੂੰ ਬੜਾ ਚਾਅ। [Verse 2] ਪੜ੍ਹਨੀ ਹੈ ਚਿੱਠੀ ਤੇਰੇ, ਚਾਨਣੇ 'ਚ ਬਹਿ ਅਸਾਂ, ਕਰਾਂ ਮਿੰਨਤਾਂ, ਰਹੀ ਮੈਂ ਤੈਨੂੰ ਕਹਿ ਵੇ। ਮਰ ਚੱਲੀ ਜਿੰਦ ਵੇ, ਮਾਰੀ ਹੋਈ ਵਿਛੋੜਿਆਂ ਦੀ, ਹੁੰਦੀ ਨਾ ਜੁਦਾਈ ਸਾਥੋਂ ਸਹਿ ਵੇ। ਸੋਹਣੇ ਜਿਹੇ ਹੱਥਾਂ ਨਾਲ, ਲਿਖੀ ਚਿੱਠੀ ਸੋਹਣਿਆਂ , ਅੱਖਰਾਂ 'ਚ ਉਹਨਾਂ ਦਾ ਹੈ ਪਾਹ। ਅੱਖਰਾਂ 'ਚ ਉਹਨਾਂ ਦਾ ਹੈ ਪਾਹ। [Chorus] ਸਾਨੂੰ ਤੇਰੀ ਚਾਨਣੀ ਦਾ ਭਾਅ। ਸਾਨੂੰ ਤੇਰੀ ਚਾਨਣੀ ਦਾ ਭਾਅ। [Verse 3] ਸੱਜਣਾ ਨੇ ਲਿਖੀਆਂ ਵੇ, ਗੱਲਾਂ ਕਿੱਥੋਂ ਸੋਚ ਸੋਚ, ਸਮਝ ਨਾ ਆਉਂਦੀਆਂ ਨਿਰਾਲੀਆਂ। ਮੂੰਹੋਂ ਜੋ ਬੋਲਕੇ ਵੇ, ਆਖੀਆਂ ਨਾ ਜਾਣ ਕਦੇ, ਲਿਖੀਆਂ ਨੇ ਡੂੰਘੇ ਭੇਦ ਵਾਲੀਆਂ। ਕਈ ਵਾਰ ਪੜ੍ਹੀ ਚਿੱਠੀ, ਪੜ੍ਹ ਪੜ੍ਹ ਹਾਰੀ ਆਂ ਮੈਂ, ਸਮਝੀ ਨਾ ਲਾ ਕੇ ਥੱਕੀ ਵਾਹ। ਸਮਝੀ ਨਾ ਲਾ ਕੇ ਥੱਕੀ ਵਾਹ। [Chorus] ਸਾਨੂੰ ਤੇਰੀ ਚਾਨਣੀ ਦਾ ਭਾਅ। ਸਾਨੂੰ ਤੇਰੀ ਚਾਨਣੀ ਦਾ ਭਾਅ। [Verse 4] ਸੱਜਣਾ ਦੇ ਪਿਆਰ ਦੀ, ਪਹਿਲੀ ਇਹ ਨਿਸ਼ਾਨੀ ਹਾਏ , ਚੁੰਮ ਚੁੰਮ ਸੀਨੇ ਨਾਲ ਲਾਉਣੀ ਆਂ। ਥੋੜਾ ਥੋੜਾ ਹੱਸਦੀ, ਤੇ ਨਾਲੇ ਸ਼ਰਮਾਂਵਦੀ, ਪਤਾ ਨਹੀਂ ਕਿਓਂ ਮੈਂ ਘਬਰਾਉਣੀ ਆਂ। ਪਿਆਰ ਵਿੱਚ ਕਮਲੀ, ਝੱਲੀ ਵੇ ਮੈਂ ਹੋ ਗਈ, ਹੋਈ ਜਾਨੀ ਆਂ ਮੈਂ ਚੰਨਾ ਸਾਹੋ-ਸਾਹ। ਹੋਈ ਜਾਨੀ ਆਂ ਮੈਂ ਚੰਨਾ ਸਾਹੋ-ਸਾਹ। [Chorus] ਸਾਨੂੰ ਤੇਰੀ ਚਾਨਣੀ ਦਾ ਭਾਅ। ਸਾਨੂੰ ਤੇਰੀ ਚਾਨਣੀ ਦਾ ਭਾਅ। [Verse 5] ਥਾਹ ਨਹੀਂ ਸੱਜਣਾ ਦੇ, ਪਿਆਰ ਵਾਲੀ ਕੋਈ ਚੰਨਾ, ਅੱਖਰਾਂ 'ਚ ਜਿਹੜਾ ਹੈ ਪਰੋਇਆ ਵੇ। ਪੈ ਨਾ ਵੇ ਜਾਣ ਕਿਤੇ, ਵਿਛੋੜੇ ਸਾਡੇ ਸੱਜਣਾ ਦੇ, ਸੋਚਕੇ ਹੀ ਦਿਲ ਸਾਡਾ ਰੋਇਆ ਵੇ। ਤੇਰੇ ਤੇ ਭਰੋਸਾ ਸਾਨੂੰ, ਚੰਨਾ ਹੈ ਵੇ ਰੱਬ ਜਿੱਡਾ, ਦੇਈਂ ਤੂੰ ਵੀ ਰੀਤ ਨੂੰ ਨਿਭਾਅ । ਦੇਈਂ ਤੂੰ ਵੀ ਰੀਤ ਨੂੰ ਨਿਭਾਅ । [Chorus] ਸਾਨੂੰ ਤੇਰੀ ਚਾਨਣੀ ਦਾ ਭਾਅ। ਸਾਨੂੰ ਤੇਰੀ ਚਾਨਣੀ ਦਾ ਭਾਅ। [Verse 6] ਤੇਰੇ ਰਾਹੀਂ ਦੇਣਾ ਮੈਂ, ਸੁਨੇਹਾਂ ਇੱਕ ਸੋਹਣਿਆਂ ਨੂੰ, ਡਰ ਖ਼ਤ ਪਾਉਣੋਂ ਮੈਨੂੰ ਲੱਗਦਾ। ਦੇਵੇ ਨਾ ਖਿਲਾਰ ਕਿਤੇ, ਗੱਲ ਸਾਰੀ ਦੁਨੀਆਂ 'ਚ, 'ਜਿੰਦ' ਨੂੰ ਭਰੋਸਾ ਨਾ ਵੇ ਜੱਗ ਦਾ। ਸਮਝਾਵੀਂ ਗੱਲ ਚੰਗੀ ਤਰਾਂ, ਸੱਜਣਾ ਵੇ ਸਾਡਿਆਂ ਨੂੰ, ਇੱਜਤਾਂ ਦੀ ਰੱਖੇ ਪਰਵਾਹ। ਇੱਜਤਾਂ ਦੀ ਰੱਖੇ ਪਰਵਾਹ। [Chorus] ਸਾਨੂੰ ਤੇਰੀ ਚਾਨਣੀ ਦੀ ਭਾਅ । ਸਾਨੂੰ ਤੇਰੀ ਚਾਨਣੀ ਦਾ ਭਾਅ। [Outro] ਛੁਪ ਨਾ ਤੂੰ ਬੱਦਲਾਂ 'ਚ, ਚੰਨਾ ਅਸਮਾਨ ਦਿਆ, ਸਾਨੂੰ ਤੇਰੀ ਚਾਨਣੀ ਦਾ ਭਾਅ। ਸਾਨੂੰ ਤੇਰੀ ਚਾਨਣੀ ਦਾ ਭਾਅ। ਸੱਜਣਾ ਦਾ ਖ਼ਤ ਆਇਆ, ਪਹਿਲੇ ਵੇ ਪਿਆਰ ਵਾਲਾ, ਪੜ੍ਹਨੇ ਦਾ ਸਾਨੂੰ ਬੜਾ ਚਾਅ। ਪੜ੍ਹਨੇ ਦਾ ਸਾਨੂੰ ਬੜਾ ਚਾਅ। ਸਾਨੂੰ ਤੇਰੀ ਚਾਨਣੀ ਦਾ ਭਾਅ। ਸਾਨੂੰ ਤੇਰੀ ਚਾਨਣੀ ਦਾ ਭਾਅ। [Fade Out]