Kasulu DC Yaanza Mafunzo ya Mfumo wa GERMIS Kuimarisha Usimamizi wa Vihatarishi

Halmashauri ya Wilaya ya Kasulu mkoani Kigoma imeanza mafunzo ya siku mbili kuhusu matumizi ya Mfumo wa Kidijitali wa Usimamizi wa Vihatarishi (GERMIS) kwa wakuu wa idara na vitengo pamoja na vinara wa usimamizi wa vihatarishi. Mafunzo hayo yanalenga kuwajengea uwezo washiriki katika kutambua, kutathmini, kufuatilia na kudhibiti vihatarishi vinavyoweza kuathiri utekelezaji wa majukumu ya halmashauri, huku yakichangia kuimarisha uwajibikaji, ufanisi wa utoaji wa huduma na utekelezaji wa miongozo ya Serikali kupitia matumizi sahihi ya mfumo wa GERMIS.