[2025東京遊][酒店開箱]2025年新宿哥斯拉酒店Hotel Gracery Shinjuku最新

去 #東京旅遊 ，好多人都會選擇入住 #新宿 的酒店，原因是新宿係東京一個 #不夜天 、充滿 #娛樂 的地方， #食肆 林立，有好多 #百貨公司 ， #藥妝店 ， #夾公仔 店，今次我就同大家開箱新宿呢一間哥斯拉酒店。 哥斯拉酒店英文名就叫做Hotel Gracery Shinjuku，絕對算是東京新宿好有名的酒店，酒店就在新宿 #歌舞伎町 內，Hotel Gracery Shinjuku 於2015 年4 月開幕，地點距離 #新宿車站 比較遠，大約要行十幾分鐘。但地點十分旺，樓下很多食肆，有些還是24小時營業。酒店樓下就已經有一間7-11，附近亦有多間 #Lawson ，行去各大商場名店非常方便。 由地下搭電梯上8樓酒店大堂，一出電梯就可以見到一個 #哥斯拉 的場景。酒店其他都會見到好多哥斯拉。 酒店大堂地方好闊落，記得問大堂員工拎個QR CODE，登記做酒店集團會員，咁樣就可以享有Check out時間延時至中午12點。 房間裝修有點舊，始終都有差不多10年歷史，不過房間相對清潔乾淨，加上房間面積比較大。 浴室方面可能有經過番新，浴缸同水龍頭花灑都非常新。浴缸夠大夠深，用嚟 #浸浴 就非常一流。 酒店缺點係因為樓下就係歌舞伎町，晚上比較嘈，好多人聲，加上不是會有警車聲，如果係星期5，6，日就會更加嘈。 我之前曾經住過就係哥斯拉酒店對面新的歌舞伎町大樓內的酒店 Hotel Groove Shinjuku，大家可以係右上角連結睇到，酒店雖然新，但面積比較細，我當時住的房型沒有浴缸，而浴室同廁所的間隔很不方便。 酒店大堂層有一間 #洗衣房 供客人使用，有多部洗衣機及乾衣機，不過係繁忙時間，全部機都要等。 如果你係第一次去東京玩，強烈推介你要住哥斯拉酒店。 #哥斯拉酒店 #酒店開箱 #hotelgraceryshinjuku