Khit Thit Morning News | April 20, 2026

Khit Thit သတင်းဌာန၏ ဧပြီ ၂၀ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၂၀ ရက် မနက်ပိုင်း တင်ဆက်ပေးမယ့် သတင်းတွေကတော့ -နိုင်ငံတော်သမ္မတဦးဝင်းမြင့်ကို ပြန်လည်လွှတ်ပေးခဲ့တာဟာ အကြမ်းဖက်စစ်တပ်ဘက်က နိုင်ငံရေး ကစားကွက်တစ်ခုသာဖြစ်ပြီး အာဏာရှင်ပြဇာတ်ရဲ့ အစိတ်အပိုင်းတစ်ခုလို့ ပြည်ပမှ မြန်မာ့အရေး လေ့လာသူတွေက ထောက်ပြနေကြတယ်လို့ AFP သတင်းမှာ ဖော်ပြထားပါတယ်။ မွန်ပြည်နယ်၊ ဘီးလင်းမြို့နယ်မှာရှိတဲ့ လေးကေစခန်းကိုသိမ်းပိုက်နိုင်ခဲ့တဲ့တိုက်ပွဲအတွင်း ထွက်ပြေး လာတဲ့အကြမ်းဖက်စစ်သားတွေကို တော်လှန်ရေးတပ်ဖွဲ့တွေက လိုက်လံတိုက်ခိုက်ရာမှာ စစ်တပ်ဘက် က ၇ ယောက်ကို အရှင်ဖမ်းမိပြီး သေနတ် ၂ လက် သိမ်းဆည်းရရှိခဲ့တယ်လို့ မြေပြင် စစ်ရေး သတင်းရင်းမြစ်က ရန်ကုန်ခေတ်သစ်သတင်းဌာန ကို ပြောပါတယ်။ မွန်ပြည်နယ်၊ ရေးမြို့နယ်အခြေစိုက် စကခ ၁၉ ရဲ့ လက်နက်တိုက် မီးလောင်ပေါက်ကွဲမှု ဖြစ်ပွားခဲ့တယ်လို့ ရေးဘီလူးတပ်ဖွဲ့ခေါင်းဆောင်က ရန်ကုန်ခေတ်သစ်သတင်းဌာန ကို အတည်ပြု ပြောပါတယ်။ အမေရိကန်သမ္မတ ဒေါ်နယ်ထရမ့်က အီရန်နိုင်ငံဟာ ဟော်မုဇ်ရေလက်ကြားအနီးမှာ သင်္ဘောတွေကို ပစ်ခတ်ခဲ့တာကြောင့် နှစ်နိုင်ငံကြားရရှိထားတဲ့ အပစ်အခတ်ရပ်စဲရေးကို "လုံးဝဥဿုံ ချိုးဖောက် လိုက်တာပဲ" လို့ တနင်္ဂနွေနေ့ (ဧပြီလ ၁၉ ရက်) မှာ ပြင်းပြင်းထန်ထန် စွပ်စွဲပြောဆိုလိုက်တဲ့ သတင်း အပါအဝင် မနက်ခင်းသတင်းတွေကို တင်ဆက်ပေးပါမယ်။