Klan News - Delfinët e Adriatikut ushqehen nga varkat e peshkimit

Delfinët e Detit Adriatik janë gjithnjë e më shumë të varur nga varkat e peshkimit për t’u ushqyer. Sipas një studimi të imtësishëm në brigjet italiane të Adriatikut, ekipe të kujdesit dhe ruajtjes së ekosistemeve kanë konstatuar se ata ndjekin 7 nga çdo 10 varka peshkimi, për të siguruar mbijetesën me mbetjet që hidhen në det. Kjo sugjeron se nuk gjejnë mjaftueshëm ushqim në mënyrë natyrale, si pasojë e varfërimit të ujërave. Kërkuesit italianë i kanë monitoruar gjatë viteve 2018–2025, duke kryer rreth 900 inspektime dhe kanë analizuar të gjitha të dhënat e mbledhura. Në 76% të rasteve, peshkarexhat ndiqen nga delfinët, të paktën një mijë individë të identifikuar që janë studiuar gjatë këtij harku kohor, dhe nga këta 90% kishin sjellje normale. Në botën e kafshëve, kur burimet natyrore të ushqimit varfërohen, ato nisin të kërkojnë ushqim pranë vendqendrimeve apo pranisë njerëzore. Në rastin e delfinëve, peshkarexhat janë parë prej tyre si burim ushqimi, pasi habitati nuk ua ofron më. Kërkuesit hedhin idenë e marrjes së masave për ndalimin e peshkimit për një periudhë në zona të caktuara të Adriatikut, për t’i dhënë mundësi ekosistemit të rindërtohet dhe të ripasurohet me gjallesa. Klan News SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan