PAMJE | Vrasja në Prekal, makina e viktimës e bërë shoshë nga plumbat! Dyshime për hakmarrje

Kanë dalë pamjet e para nga vendi ku u ekzekutua me armë zjarri Aleksandër Koçeku, ngjarje e ndodhur këtë të shtunë, më 11 korrik, në zonën e Prekalit. Në pamjet e siguruara nga gazetarja e Klan News, Emi Kalaja, shihet automjeti i viktimës, i cili ka dalë nga rruga pasi është goditur disa herë me armë zjarri. Mjeti mban shenja të shumta plumbash, ndërsa dyshohet se autorët i kishin zënë pritë viktimës në një segment rrugor malor me qarkullim të pakët, ku edhe kanë kryer atentatin. Në vendngjarje ndodhen forcat e policisë dhe grupi hetimor, të cilët po kryejnë veprimet për zbardhjen e plotë të rrethanave të krimit. I pranishëm ishte edhe një i afërm i viktimës, i cili deklaroi se dyshon që vrasja lidhet me një konflikt të vjetër për shkak të hasmërisë. Aleksandër Koçeku është vëllai i shtetasit A.K., i cili ndodhet në burg, i dënuar për vrasjen e Angjelin Shkambit, ngjarje e ndodhur tetë vite më parë. Vrasja e Shkambit Më 12 dhjetor 2017, A.K. ekzekutoi 35-vjeçarin Angjelin Shkambi brenda automjetit të tij, për shkak të një borxhi prej 30 mijë eurosh. Në kohën e krimit, ai kishte përfituar një javë leje nga burgu i Peqinit, ku po vuante një dënim me shtatë vite burg për vjedhje me armë. Pas vrasjes së Shkambit, A.K. u shpall në kërkim dhe, gjatë kohës që ishte në arrati, u përfshi edhe në një tjetër konflikt me armë në vitin 2018. Në korrik të vitit 2019, A.K., teksa po udhëtonte me automjetin e tij, policia e ndaloi, duke bërë kështu dhe arrestimin e tij. Në automjet, policia sekuestroi një pistoletë dhe fishekë. Bashkë me të u arrestua edhe një 24-vjeçar nga Tirana, i akuzuar për përkrahje të autorit të krimit. Policia po heton të gjitha pistat, ndërsa një nga dyshimet kryesore mbetet se vrasja e Aleksandër Koçekut mund të jetë kryer në kuadër të një hakmarrjeje të lidhur me konfliktet e mëparshme. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan