Zjarr në një banesë në Korçë, humb jetën një 74-vjeçar

Një zjarr ka rënë në një banesë në Korçë, ku si pasojë ka humbur jetën një 74-vjeçar, i identifikuar si U.Hysolli. Në vendngjarje kanë mbërritur forcat zjarrfikëse dhe shërbimet e Policisë, të cilat kanë evakuuar banorët e pallatit si masë sigurie. Sipas të dhënave paraprake, zjarri ka shpërthyer në një apartament, ndërsa dyshohet se shkaku mund të ketë qenë një pakujdesi. Megjithatë, rrethanat e ngjarjes nuk janë konfirmuar ende zyrtarisht. Një nga fqinjët u shpreh për gazetarët se e kuptoi se kishte rënë zjarr vetëm pasi shkallët u mbushën me tym. Ajo pretendoi se viktima ishte përdorues alkooli, por diçka e tillë nuk është e konfirmuar. “Ne nuk pamë asgjë, vetëm kur u mbushën shkallët me tym po e shikonim, por nuk dolëm jashtë, për arsye se thamë: kush e ka vënë këtë zjarr? Zjarrin e paska vënë i zoti i shtëpisë, që vinte banonte tani kohët e fundit, se atë shtëpi e kishte lëshuar me qira. Ajo familje, që janë burrë e grua, nuk bëjnë gjëra të tilla. Ky gjithë kohës që ka ardhur, pi, shtrihet, vjell, çfarë s'bën. E tani ai arriti këtë punën që po më dëgjoni mua që po flas”, u shpreh një nga fqinjët. Zjarrfikësit punuan për vënien nën kontroll të flakëve, ndërsa grupi hetimor pritet të kryejë veprimet për zbardhjen e plotë të shkaqeve dhe rrethanave të zjarrit. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan