ASKOFU DKT. SHOO AFUNGUA SEMINA YA UWAKILI KWA WACHUNGAJI KKKT DAYOSISI YA KASKAZINI

Mkuu wa KKKT Dayosisi ya Kaskazini, Askofu Dkt. Fredrick Onael Shoo, leo Juni 19, 2026 amefungua semina ya Uwakili na changamoto za mila zinazoathiri jamii kwa baadhi ya wachungaji wa dayosisi hiyo. Askofu Shoo amesema semina hiyo ni fursa muhimu kwa wachungaji kubadilishana uzoefu na kuimarisha huduma yao. Amesisitiza kuwa Kanisa limeitwa kuwa nuru ya ulimwengu kwa kuhubiri haki, kusimamia rasilimali kwa uaminifu na kutunza taratibu za ibada zinazowaimarisha waumini katika imani. Pia ameonya dhidi ya mafundisho ya upotoshaji na utapeli wa Injili, huku akiwataka viongozi wa Kanisa kuwa sauti ya wasio na sauti na kupinga mila potofu zinazokiuka haki na heshima ya binadamu, ikiwemo ukeketaji, kuonewa kwa wajane na kunyimwa haki kwa baadhi ya watu. Amehitimisha kwa kuwataka washiriki wa semina hiyo kuwa viongozi wa mfano, wanaosimamia haki, upendo na utu katika jamii.