Tv Klan - Nis puna per projektin e Skavices |Lajme - News

Në zonën e Kukësit ka nisur puna për projektin e HEC-it të Skavicës. 50 inxhinierë nga vendas dhe të huaj janë angazhuar për të bërë gati studimin e fizibilitetit në koordinim me kompaninë amerikane Bechtel që do ta ndërtojë këtë vepër si dhe KESH-in. Ministrja e Energjitikës që së bashku me ambasadoren amerikane dhe presidentin global të Bechtel-it inspektuan punimet, flet për rëndësinë e veprës në mënyrë të veçantë në planin e sigurisë energjitike në një kohe që çmimi i energjisë ka patur një rritje të konsiderueshme vetëm në vitin e fundit. Si drejtori i projektit ashtu dhe presidenti i kompanisë Bechtel sigurojnë se prioritet në zbatimin e kësaj vepre është ruajtja e mjedisit. Ambasadorja Kim e sheh Skavicën si një nga shumë projektet që qeveria amerikane po mbështet në vendin tonë, e jo vetëm sa i takon ekonomisë, por dhe demokracisë e sigurisë. “Kur mbërrita në Shqipëri, unë e bëra shumë të qartë që kemi tre prioritete, demokracinë, mbrojtjen dhe biznesin. Sikurse jeni në dijeni, ne kemi bërë përparim. Sa i përket mbrojtjes, Shqipëria pati mundësi të mikpriste një nga stërvitjet më të mëdha ushtarake të Ballkanit. Në frontin e demokracisë ne kemi bërë përparim siç është për shembull gjithë mbështetja për reformën në drejtësi, dhe për sa i përket biznesit ne do vazhdojmë të ecim përpara pavarësisht çdo pengese”, tha ajo. Kryeministri ka premtuar se hidrocentrali i Skavicës do të vihet në punë brenda mandatit të 3 të qeverisë duke mundësuar që të rriten kapacitet prodhuese dhe për 3 hidrocentralet ekzistuese. Investimi në total parashikohet 550 milionë dollarë. Tv Klan SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/