Vera 2026 për Lezhën, Ndreu: Dy investime madhore, që do i japin fund trafikut

Sezoni i ri turistik e gjen Lezhën me një fluks në rritje të vizitorëve dhe një koordinim të plotë mes institucioneve dhe bizneseve për të garantuar mbarëvajtjen e tij. Kryetari i Bashkisë, Pjerin Ndreu, ka bërë të ditur se këtë vit po zbatohet një skemë e avancuar dhe "radikale" për menaxhimin e mbetjeve, e cila shtrihet nga plazhet e deri në zonat rurale. “Si fillim situate duke shumë e mirë. Ka rritje të turizmit, për arsye të disa specifikave që ka Lezha. Ka vite që Lezha mban një standard në rritje të lehtë, por nuk bie. Që nga pandemia e këtej, ne jemi kujdesur që të përgatisim gjithmonë një sezon turistik, ku përfshihet bashkia institucionet e tjera, ku hyn edhe policia, agjencia e bregdetit, ku hyjnë edhe emergjencat civile. Ne bëmë një takim, një takim i cili është ezauruar për të komunikuar drejtpërsëdrejti për atë që duhet të bëjmë dhe për mënyrën se si duhet të bashkëpunojmë. Ka një skemë të re sivjet edhe më të avancuar për situatën e pastërtisë, të menaxhimit.” Sipas tij, bizneset dhe banorët tashmë kanë orare strikte për nxjerrjen e mbeturinave, ndërsa monitorimi do të bëhet përmes kamerave të lëvizshme për të parandaluar çdo shkelje. “Nuk kemi çenduar asnjëherë në menaxhim, por situata është duke u përmirësuar çdo ditë. Ajo që vlen të theksohet është fakti që zonat turistike janë super të pastra dhe rregulli e pastërtia janë në një harmoni të plotë mes bashkisë dhe biznesit. Bizneset kanë detyrim që të mbajnë kosha brenda bizneseve të tyre, nëse është biznes i vogël, kuptohet që e ka të vogël, nëse është biznes i vogël duhet të mbajë një kosh dhe nëse është një biznes i madh duhet të mbajë dy-tre kosha. Në orarin e caktuar ata i nxjerrin. Edhe banorët po ashtu kanë një orar të përcaktuar në të cilën ato procedojnë dhe makinat ekologjike, ndërhyjnë dhe bëjnë evadimin e mbetjeve. Jo është jo vetëm në zonat e plazhit, por edhe në zonat rurale, në fshatra po implementohet, por edhe në qytet. Pra është një masë radikale që i ka ardhur koha ta bëjmë, edhe pse është pak revolucionare. Nga sot e në vazhdim kemi edhe kamerat e lëvizshme, të cilat janë për të parandaluar të gjitha ato sjellje në kundërshtim me oraret dhe rregullon.” Sa i përket sigurisë në bregdet, Ndreu konfirmoi se plazhet e kanë detyrim ligjor praninë e vrojtuesve, ndërsa pushuesit mund të informohen për zonat e menaxhuara përmes një barkodi të ri publik. Duke u ndalur edhe te problematika e hershme e trafikut, kreu i bashkisë pranoi se vështirësitë do të vijojnë edhe këtë verë. Megjithatë, ai dha lajmin e mirë se investimet madhore në akset Milot-Balldren dhe bypass-in e Shëngjinit do t'i japin zgjidhje përfundimtare këtij ngushtimi brenda dy viteve të ardhshme. “Sa i tako sigurisë, plazhet e kanë detyrim ligjor që të kenë vrojtues dhe kanë. Kanë plazhe të menaxhuara që nuk kanë vrojtues dhe ne kemi vendosur tabela treguese. Ne kemi nxjerrë edhe një barkod, ku mund të nxjerrësh plazhet e menaxhuara nga bashkia, ku mund të nxjerrësh edhe plazhet e tjera, që i kemi bërë publike. Sa i takon trafikut, do të ketë probleme edhe sivjet. Këtë e zgjidh vetëm Milot-Balldren, të cilën e kam thënë e publikisht. Tashmë në shtator fillon puna dhe bypass-i i Shëngjinit, për të cilën ka filluar puna, janë dy investime kardinale madhore të cilat që do zgjidhën njëherë e mirë ngecjen e tej zgjatur të trafikut. Qeveria i ka adresuar problemet sa i takon Lezhës dhe mendoj se brenda dy vjetësh Lezha do të jetë një tjetër histori, sa i takon trafikut.” SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan