د نورستان د سېلابونو د مرګ‌ژوبلې شمېره څه باندې سلو ته ورسېده

له پېښو سره د مبارزې د چمتووالي اداره وایي چې په نورستان کې د سېلابونو له امله تر اوسه ۲۳ کسانو ژوند له لاسه ورکړی او ۸۰ ټپیان شوي دي، تر اوسه ۱۸ جسدونه موندل شوي او د پنځو نورو مړو د موندلو لپاره پلټنې روانې دي. له پېښو سره د مبارزې د چمتووالي ادارې ویاند قاري تاج‌محمد همت ویلي چې په دغو سېلابونو کې ۲۳ کسانو ژوند له لاسه ورکړی، د ۱۵ کسانو مړي موندل شوي، ۸۰ تنه ټپیان او شاوخوا سل نور نادرکه دي. هغه ویلي، سېلابونو اووه کورونه بشپړ او ۲۳ نور په نسبي ډول ویجاړ کړي، ۷۰ دوکانونه یې له منځه وړي، ۴۰ غټ او واړه وسایط یې زیانمن کړي او ۱۱ هوټلونه یې په بشپړ یا نسبي ډول ویجاړ کړي دي. یاد سېلابونه پرون ماسپښین په پارون کې راوتلي وو. چارواکي وایي، د مرګ‌ژوبلې او زیانونو شمېرې لومړنۍ دي او ښايي بدلون په کې راشي. نورستان #پارون #د_نورستان_سېلابونه #سېلابونه #مرګ_ژوبله #طبیعي_پېښې #بیړنی_حالت #ژغورنې_عملیات