Ichimlik suvidan noqonuniy foydalangan issiqxona mas'uliga nisbatan chora ko'ridi

Bugungi kunda ichimlik suvi oddiy resurs emas — u har bir xonadon, har bir oila hayoti uchun zarur bo‘lgan bebaho ne’matdir. Shu sababli undan noqonuniy foydalanish, suv tarmoqlariga o‘zboshimchalik bilan ulanish va suvni isrof qilishga murosasiz munosabatda bo‘lish talab etiladi. Biroq ayrim holatlar borki, fuqarolar tomonidan bu jarayonga e'tiborsizlik qilinadi. Shu maqsadda, Toshkent shahar hududiy Qurilish va uy-joy kommunal xo'jaligi nazorati inspeksiyasi xodimlari tomonidan ichimlik suvidan noqonuniy foydalanish holatlarini oldini olish maqsadida tizimli reyd tadbirlari amalga oshirilmoqda. Navbatdagi nazorat tadbiri Yunusobod tumani "Hasanboy" mahalla hududida o'tkazildi. Reyd davomida, mahalla hududida joylashgan issiqxona suv tizimi o'rganilganda, fuqaro tomonidan ichimlik suvidan noqonuniy foydalanganligi aniqlandi. ✅️Aniqlangan mazkur qonunbuzarlik holati yuzasidan fuqaroga MJtKning 163-moddasiga asosan maʼmuriy bayonnoma rasmiylashtirildi hamda issiqxona ichimlik suvi tarmog'idan uzildi. Shuningdek, fuqaroga ichimlik suvidan noqonuniy foydalanmaslik, uni asrash borasida tushuntirish ishlari olib borildi. Maʼlumot uchun: O‘zbekiston Respublikasining 22.07.2022 yildagi O‘RQ-784-son Qonunining 36-moddasida jismoniy va yuridik shaxslar ichimlik suvi taʼminoti va oqova suvlarni chiqarib yuborish tarmoqlariga ichimlik suvi taʼminoti tashkiloti tomonidan taqdim etilgan texnik shartlar asosida ulanishi belgilangan, shuningdek, 38-moddasida ichimlik suvi taʼminoti va oqova suvlarni chiqarib yuborish bo‘yicha xizmatlardan shartnoma tuzmasdan foydalanish taqiqlangan.