Kiyon AJab Karte Ho Gar Main کیوں عجب کرتے ہو گر میں آ گیا Jalsa Salana UK 1993 Daud Ahmad Nasir.

Urdu Poem/Nazm/Nazam Jalsa Salana UK 1993. Kiyon AJab Karte Ho Gar Main Aa Gaya Ho Kar Maseeh کیوں عجب کرتے ہو گر میں آ گیا ہو کر مسیح Kalam Hazrat Maseeh e Maud AS Voice Mohtaram Daud Ahmad Nasir Sahib. کیوں عجب کرتے ہو گر مَیں آ گیا ہو کر مسیح خود مسیحائی کا دَم بھرتی ہے یہ بادِ بہار آسمان پر دعوتِ حق کے لئے اِک جوش ہے ہو رہا ہے نیک طبعوں پر فرشتوں کا اُتار آ رہا ہے اس طرف احرارِ یورپ کا مزاج نبض پھر چلنے لگی مُردوں کی ناگہِ زندہ وار کہتے ہیں تثلیث کو اب اہلِ دانش اَلْوِدَاع پھر ہوئے ہیں چشمۂ توحید پر از جاں نِثار باغ میں مِلّت کے ہے کوئی گُلِ رعنا کھِلا آئی ہے بادِ صبا گُلزار سے مستانہ وار آ رہی ہے اب تو خوشبو میرے یوسف کی مجھے گو کہو دیوانہ مَیں کرتا ہوں اُس کا اِنتظار ہر طرف ہر مُلک میں ہے بُت پرستی کا زوال کچھ نہیں انساں پرستی کو کوئی عِزّ و وقار آسماں سے ہے چلی توحید خالق کی ہوا دِل ہمارے ساتھ ہیں گو مُنہ کریں بک بک ہزار اِسْمَعُوْا صَوْتَ السَّمَاءِ جَاءَ الْمَسِیْح جَاءَ الْمَسِیْح نیز بِشنو از زمیں آمد امامِ کامگار آسماں بارد نشان اَلْوَقت می گوید زمیں ایں دو شاہد از پئے من نعرہ زن چوں بیقرار اب اسی گلشن میں لوگو راحت و آرام ہے وقت ہے جلد آؤ اے آوارگانِ دشتِ خار اِک زماں کے بعد اب آئی ہے یہ ٹھنڈی ہوا پھر خدا جانے کہ کب آویں یہ دن اور یہ بہار اَے مکذّب کوئی اِس تکذیب کا ہے انتہا کب تلک تو خوئے شیطاں کو کرے گا اختیار مِلّت احمدؐ کی مالک نے ڈالی تھی بِنا آج پوری ہورہی ہے اے عزیزان دیار گلشنِ احمدؐ بنا ہے مسکن باد صبا جس کی تحریکوں سے سنتا ہے بشر گفتارِ یار ورنہ وہ ملّتؔ وہ رَہ ؔ وہ رسمؔ وہ دیں چیز کیا سایہ افگن جس پہ نورِ حق نہیں خورشیدوار دیکھ کر لوگوں کے کینے دل مرا خوں ہوگیا قصد کرتے ہیں کہ ہو پامال دُرِّ شاہوار ہم تو ہر دم چڑھ رہے ہیں اک بلندی کی طرف وہ بلاتے ہیں کہ ہوجائیں نہاں ہم زیر غار نورِ دل جاتا رہا اک رسم دیں کی رہ گئی پھر بھی کہتے ہیں کہ کوئی مصلح دیں کیا بکار راگ وہ گاتے ہیں جس کو آسماں گاتا نہیں وہ ارادے ہیں کہ جو ہیں برخلافِ شہریار ہائے مارِ آستیں وُہ بن گئے دیں کے لئے وُہ تو فربہ ہو گئے پر دیں ہوا زار و نزار اِن غموں سے دوستو خَم ہو گئی میری کمر مَیں تو مر جاتا اگر ہوتا نہ فضل کردگار اِس تپش کو میری وہ جانے کہ رکھتا ہے تپش اِس اَلَم کو میرے وہ سمجھے کہ ہے وہ دِلفگار