Kiyon Ajab Karte Ho Gar کیوں عجب کرتے ہو گر میں Mohtaram Baradram Bilal Daud Kahlon Sahib

Kiyon Ajab Karte Ho Gar Main Aa Gaya Ho Kar Maseeh کیوں عجب کرتے ہو گر میں آ گیا ہو کر مسیح Kalam Hazrat Maseeh e Maud AS Voice Mohtaram Baradram Bilal Daud Kahlon Sahib آج نہایت عزیز اور پیارے دوست محترم برادرم بلال داؤد کاہلوں صاحب کی وفات کی انتہائی افسوسناک خبر ملی ۔ انا للٰہ و انا الیہ راجعون ۔ اللہ ہی کا تھا جو اس نے لے لیا اور اسی کا ہے جو اس نے دیا اور اس کے ہاں ہر چیز کا ایک وقت مقرر ہے لیکن بلال کاہلوں بھائی کی اچانک وفات پر بے حد دکھ اور رنج ہوا۔ اللٰہ تعالیٰ مرحوم کی مغفرت فرمائے ، اپنی جوار رحمت میں جگہ عطا فرمائے اور تمام لواحقین کو صبر جمیل عطا فرمائے۔ آمین ثم آمین ۔ مرحوم دوست انتہائی شریف النفس ، نیک اور صالح وجود تھا ۔ بہت پیار کرنے والا ، ہر ایک سے بے حد ادب سے پیش آنے والا ، جماعت سے اور خلفا سے انتہا درجے کی محبت رکھنے والا ، غریب دوست ، خوش اخلاق ، ہمیشہ مسکراتا ہوا چہوہ ، نہایت خوش الحان الغرض مرحوم دوست بے شمار خوبیوں کا مالک وجود تھا۔ آہ ! کبھی نہ بھولنے والا دوست آج ہم سے جدا ہو گیا ۔ خدا کی رضا کے آگے ہم سب مجبور و بے بس ہیں ۔ اللہ سائیں جب چاہے اپنی امانت واپس لے جاتا ہے ۔ یا الٰہی تو بلال کاہلوں بھائی سے بہت رحم اور کرم کا سلوک کرنا ، یا اللٰہ اپنی اس ودجود کو اپنی جوارِ رحمت میں جگہ عطا فرمانا ۔ آمین ثم آمین ۔ محترم بلال کاہلوں بھائی کے بچپن کی پڑھی ہوئی ایک نظم دعا کی غرض سے شیئر کر رہا ہوں سب دوستوں سے مغفرت کی دعا کرنے کی درخواست ہے۔ اللٰہ تعالی ہم سب کو بہت صبر کرنے کی توفیق عظا فرمائے ۔ آمین ثم آمین کیوں عجب کرتے ہو گر میں آگیا ہوکر مسیح خود مسیحائی کادم بھرتی ہے یہ بادِ بہار آسماں پر دعوتِ حق کیلئے اک جوش ہے ہو رہا ہے نیک طبعوں پر فرشتوں کا اتار آرہا ہے اس طرف احرارِ یورپ کا مزاج نبض پھر چلنے لگی مردوں کی ناگہ زندہ وار کہتے ہیں تثلث کو اب اہل دانش الوداع پھر ہوئے ہیں چشمہ ءتوحید پراز جاں نثار باغ میں ملت کے ہے کوئی گل رعنا کھلا آئی ہے بادِ صبا گلزار سے مستانہ وار آرہی ہے اب تو خوشبو میرے یوسف کی مجھے گو کہو دیوانہ میں کرتا ہوں اُس کا انتظار ہر طرف ہر ملک میں ہے بت پرستی کا زوال کچھ نہیں انساں پرستی کو کوئی عزو وقار آسماں سے ہے چلی توحیدِ خالق کی ہوا دل ہمارے ساتھ ہیں گو منہ کریں بک بک ہزار اسمعوا صوت السماء جاء المسیح جاء المسیح نیز بشنو از زمیں آمد امامِ کامگار آسماں بارد نشان الوقت می گوید زمیں ایں دو شاہداز پئے من نعرہ زن چوں بیقرار اب اسی گلشن میں لوگو راحت و آرام ہے وقت ہے جلد آؤ اے آوارگانِ دشتِ خار اِک زماں کے بعد اب آئی ہے یہ ٹھنڈی ہوا پھر خدا جانے کہ کب آویں یہ دن اور یہ بہار اے مکذّب کوئی اس تکذیب کا ہے انتہا کب تلک تو خوئے شیطاں کو کرے گا اختیار ملّت احمد کی مالک نے جو ڈالی تھی بِنا آج پوری ہو رہی ہے اے عزیزانِ دیار گلشنِ احمد بنا ہے مسکنِ بادِ صبا جس کی تحریکوں سے سنتا ہے بشر گفتارِ یار ورنہ وہ ملّت وہ رہ وہ رسم وہ دیں چیز کیا سایہ افگن جس پہ نور حق نہیں خورشید وار دیکھ کر لوگوں کے کینے دل مرا خوں ہو گیا قصد کرتے ہیں کہ ہو پامال درِّ شاہوار ہم تو ہر دم چڑھ رہے ہیں اک بلندی کی طرف وہ بلاتے ہیں کہ ہو جائیں نہاں ہم زیرِ غار نُورِ دل جاتا رہا اِک رسم دیں کی رَہ گئی پھر بھی کہتے ہیں کہ کوئی مصلحِ دیں کیا بکار راگ وہ گاتے ہیں جس کو آسماں گاتا نہیں وہ ارادے ہیں کہ جو ہیں برخلافِ شہریار