“Albulena ka vdek Shpati”, si këngëtarja mori vesh lajmin e trishtë

Këngëtarja Albulena Ukaj ishte e ftuar sot në emisionin “Rudina” në Tv Klan, ku ka ndarë më shumë detaje mbi marrëdhënien e saj të afërt miqësore që kishte me Shpat Kasapin, pasi së bashku kanë bërë projektin e fundit të artistit përpara se të ndërronte jetë. Teksa më herët na shpjegoi se ajo e ka pasur komunikimin e fundit me Kasapin tre ditë përpara se të ndërronte jetë, Ukaj rikujtoi se si e mori vesh lajmin e trishtë të ndarjes nga jeta të këngëtarit. Gjithçka ka qenë me një mesazh nga vëllai i saj i vogël, i cili e kishte njoftuar Ukajn për vdekjen e artistit. Fillimisht ajo nuk e besoi, edhe pse lajmërimi ishte përhapur tashmë edhe në rrjetet sociale. Ajo u shpreh se edhe përgjatë ceremonisë mortore, ende nuk arrinte të besonte se Shpat Kasapi nuk jetonte më. “Kam qenë në gjumë, Rudina. Ka qenë rreth orës 11 të ditës, se mbeta me vëllain në një xhirim që kam qenë dhe kur jam zgjuar nga gjumi, unë asnjëherë nuk kam marrë ashtu thirrjesh dhe mesazhesh pafund, telefonata… Mesazhi i parë që kam lexuar ka qenë nga vëllai i vogël: ‘Lena, ka vdekur Shpati, a e di?’ E unë isha kështu… akoma e përgjumur dhe po hyj prapë (në telefon): ‘Ka vdekur Shpati, ka vdekur Shpati…’, edhe çunat e studios: ‘Albulena, ka vdekur Shpati’. Hyj në rrjetet sociale: ‘Ka vdekur Shpati’. Më dukej shumë e pabesueshme, nuk mund ta besoja se Shpati ka vdekur. Kam qenë pjesëmarrëse edhe te varrimi i tij dhe nuk mund ta besoja se Shpati ka ikur prej kësaj bote”, u shpreh ajo. Kujtojmë se këngëtari nga Tetova u nda nga jeta në moshën 40-vjeçare më 25 nëntor të vitit që lamë pas, si pasojë e një ataku kardiak gjatë një qëndrimi në Itali. Shpat Kasapi ka qenë një nga emrat më të njohur dhe më të dashur të muzikës shqiptare të viteve 2000. Më 2021 këngëtari u martua me Selvije Jao dhe kanë së bashku një djalë, Roelin. Një show argëtues dhe informativ nga Rudina Magjistari, që shoqëron çdo pasdite familjet shqiptare, si programi më i ndjekur në këtë fashë orar, me të ftuar të shumtë VIP, por dhe njerëz të thjeshtë me historitë e tyre personale. Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/ #Rudina #RudinaMagjistari #TVKlan