“3 ditë para se të vdiste më telefonoi dhe…”/ Albulena Ukaj zbulon bisedën e fundit me Shpat Kasapin

Kanë kaluar rreth tetë muaj që kur këngëtari Shpat Kasapi ka ndërruar jetë, si pasojë e një ataku kardiak. Kujtimi i tij ka ardhur edhe një herë përmes këngës, një projekt i cili u realizua pak para se të ndërronte jetë, i kryer në bashkëpunim me këngëtaren Albulena Ukaj. Kjo e fundit ishte e ftuar në emisionin “Rudina”, në Tv Klan, duke zbuluar më shumë mbi këtë këngë, e cila pas vdekjes së artistit ka ngelur edhe pa një titull. Ukaj ka ndarë edhe kujtimet e saj të fundit për Shpat Kasapin, si dhe bisedën e fundit mes tyre. Kënga ishte menduar të publikohej më 28 nëntor, datë që përkon edhe me festat. Këngëtari e ka telefonuar Ukajn tre ditë para datës së publikimit, duke i kërkuar shtyrjen e lançimit, gjë që ajo e pranoi, dhe kjo ka qenë biseda e fundit mes tyre. Ajo gjithashtu përshkroi edhe imazhin e lumtur që i ka mbetur në mendje nga Shpat Kasapi: i hareshëm, i buzëqeshur dhe pozitiv. “Tre ditë para se të ndërronte jetë më mori në telefon, më tha: ‘A e lançojmë këngën pas datës 28 nëntor, fillim dhjetori?’ Edhe kaq ka qenë biseda e fundit. Gjatë pjesëmarrjes së tij atë natë, Shpati hezitonte të largohej më shpejt për të shkuar te shtëpia. Edhe unë i thashë: ‘Shpat, po rrimë sonte, po hamë një darkë meqë ke ardhur prej Shkupit, nuk të lejoj të shkosh andej’. Me plot miq vazhduam të darkonim në një restorant në Ferizaj. Besomë, i kishte rënë një hije aq e mirë, i hareshëm, i buzëqeshur, vetëm fliste pozitivisht. Ka qenë i lumtur që do të merrte pjesë në Big Brother. Kontakti i fundit ka qenë tre ditë para se të vdiste, më pyeti në telefon: ‘Motra, a ke ndonjë organizim për 28 Nëntorin fillimisht?’ I thashë jo, kësaj radhe jam në Kosovë, e i thashë: ‘Më mirë se ndonjëherë lodhemi nga këto gjëra, vëlla’. ‘Unë jam në Itali’, tha me të shoqen dhe çunin, edhe unë i thashë: ‘Okej, kur të kesh qejf ti’ (për lançimin e këngës)”, u shpreh Albulena Ukaj. Kujtojmë se këngëtari nga Tetova u nda nga jeta në moshën 40-vjeçare më 25 nëntor të vitit që lamë pas, si pasojë e një ataku kardiak gjatë një qëndrimi në Itali. Shpat Kasapi ka qenë një nga emrat më të njohur dhe më të dashur të muzikës shqiptare të viteve 2000. Më 2021 këngëtari u martua me Selvije Jao dhe kanë së bashku një djalë, Roelin. Një show argëtues dhe informativ nga Rudina Magjistari, që shoqëron çdo pasdite familjet shqiptare, si programi më i ndjekur në këtë fashë orar, me të ftuar të shumtë VIP, por dhe njerëz të thjeshtë me historitë e tyre personale. Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/ #Rudina #RudinaMagjistari #TVKlan