Gjykata e Krimeve të Rënda lë në burg Gëzimin e Kashtës dhe Tur Labin-(30 Prill 2006)

Lajme Arkiva 2006 Pas mese pesë orësh seancë Gjykata e Krimeve të Rënda la në arrest me burg tre të arrestuarit e bujshëm të policisë, Gëzim Salillarin, Artur Vaqon dhe Ilir Sukaj. Masa e sigurisë u bë me dyer të mbyllura nga trupa e gatshme e gjykatës. Gëzim Salillari, i njohur ndryshe si Gëzimi i Kashtës, Ilir Sukaj dhe Artur Vaqo, ose “Tur Labi”, u njohën me akuzat që rëndojnë mbi secilin përkatësisht krijim, financim dhe pjesëmarrje në organizatë kriminale dhe bandë të armatosur si dhe trafik ndërkombëtar droge. Në sallën e gjykatës u bë e ditur se prangosja e tyre është bërë për llogari të palës italiane në bazë të një urdhër arresti të lëshuar nga Gjykata e Barit, por sipas avokatëve mbrojtës arrestimi i klientëve të tyre është antikushtetues. Ilir Malindi: “Do të bëjmë kërkesën e ankimit, do bëjmë ankimin në Gjykatën e Apelit dhe po jua them hapur që Gjykata e Lartë nuk do të lejojë kurrë këtë shkelje kushtetuese që ka bërë qoftë policia qoftë prokuroria, qoftë edhe gjykata”. Gëzimi i Kashtës, i njohur në Durrës me këtë pseudonim, u prangos së bashku me dy shokët e tij pas një operacioni blic të bërë nga skuadra speciale e Ministrisë së Brendshme. Arrestimi i tyre shkaktoi përplasje mes institucioneve të Prokurorisë së Përgjithshme dhe Ministrisë së Drejtësisë pas deklaratës së Prokurorit të Përgjithshëm se të pandehurit nuk ishin arrestuar pasi nuk kishte fakte për ta./tvklan.al Gazetare: Anila Hoxha SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/