CALILUNG, FORENSIC EXPERT NGA BA TALAGA?

Kinuwestiyon ni political analyst Prof. Malou Tiquia ang naging presentasyon ng prosekusyon sa impeachment trial ni Vice President Sara Duterte, partikular ang testigong iniharap kaugnay ng isyu ng umano'y grave threats. Ayon kay Tiquia, nag-aksaya umano ng oras ang prosekusyon sa pagpresenta ng witness na hindi naman eksperto sa pagsusuri ng intensyon o "intent." Aniya, kung layunin ng prosekusyon na patunayan ang intensyon sa likod ng mga pahayag ni VP Sara, nararapat sanang kumuha ito ng mga eksperto gaya ng psychologist o anthropologist. Giit pa ni Tiquia, napakahirap patunayan ang "intent" at sa ngayon ay wala pa umanong naipipresentang testigo ang prosekusyon na sapat upang patunayan ito.