NAG-IMBESTIGA KA O HINDI? —Atty. Narvasa kay NBI Agent Calilung

Kinuwestiyon ni defense counsel Atty. Carlo Joaquin Narvasa ang lawak ng isinagawang imbestigasyon ni NBI Senior Agent John Mark Calilung kaugnay ng reklamong grave threats laban kay Vice President Sara Duterte. Sa isinagawang cross-examination, tinanong ni Narvasa si Calilung kung talagang inimbestigahan nito ang kaso matapos lumabas na wala itong personal na kaalaman kung personal na naghain ng reklamo sina Pangulong Ferdinand Marcos Jr., First Lady Liza Araneta-Marcos, at dating House Speaker Martin Romualdez. Kinumpirma rin ni Calilung na walang affidavit mula sa Pangulo, First Lady, at dating House Speaker na isinama sa kaso.