வடமொழி ஒரு செம்மொழியா? - பேராசிரியர் ப. மருதநாயகம் சிறப்புரை

பேராசிரியர் ப. மருதநாயகம் தமிழிலும் ஆங்கிலத்திலும் பெரும்புலமை பெற்றவர். உலக இலக்கியங்களை நன்கு கற்றவர். அமெரிக்க இலக்கியங்களில் ஆய்வுசெய்து பட்டம் பெற்றவர். வடமொழி என்று குறிப்பிடப்படும் சமற்கிருத மொழியில் தோன்றியுள்ள இலக்கியங்கள் குறித்து அமையும் இவர்தம் உரை இலக்கிய ஆர்வலர்களுக்குப் பேருதவிபுரிவன. வடமொழி இலக்கியங்கள் யாவும் பாலி, பிராகிருத மொழி இலக்கியங்களைத் தழுவித் தோன்றியுள்ளன என்னும் அறிஞர்களின் கருத்துகளை மேற்கோள்காட்டி அரியதோர் ஆராய்ச்சியுரையை இக்காணொலியில் ப. மருதநாயகம் அவர்கள் வழங்கியுள்ளார். தமிழ் ஆராய்ச்சியாளர்களுக்கு இவ்வுரை பெரும் விருந்தாகவும் மருந்தாகவும் விளங்கும் என்பது எம் நம்பிக்கை. இக்காணொலியைப் பதிவுசெய்வதற்கு மனம் உவந்து ஒப்புதல் வழங்கி, எம் முயற்சிக்குப் பெருந்துணை செய்த பேராசிரியர் ப. மருதநாயகம் ஐயா அவர்களுக்கு எங்களின் நெஞ்சார்ந்த நன்றி. தமிழார்வம்கொண்டு யாங்கள் முன்னெடுக்கும் இத்தகு தமிழ்ப்பணிகளுக்கு ஆக்கமும் ஊக்கமும் நல்குமாறு உலகத் தமிழர்களை அன்புடன் வேண்டுகின்றோம். வாருங்கள்! அனைவரும் இணைந்து தமிழ்நலம் அறிவோம்.