AKTAR TFITTXIJIET FL-EKS MAĦŻEN TAL-PATATA FIL-MARSA.

ONE.COM.MT • Tliet persuni magħrufa mal-pulizija mistennija jitressqu l-Qorti fis-sigħat li ġejjin u tixlihom bil-qtil tal-blogger Daphne Caruana Galizia. Sorsi qirb l-investigazzjonijiet qalu ma’ ONE NEWS li fost il-persuni li se jitressqu l-qorti hemm l-aħwa Alfred Degiorgio magħurf bħala Il-Fulu u George Degiorgio magħrufa bħala ic-Ciniz. Magħhom mistenni jitressaq ukoll il-qorti Vince Muscat magħruf bħala il-Kohhu. Huma mistennnija jiġu mixli bil-qtil ta’ Caruana Galizia. Il-Pulizja mistennija takkużahom ukoll li kellhom fil-pussess tagħhom materjal relatati mal-isplussiv armi tan-nar. Intant matul il-jum kompliet il-ħidma tal-Pulizija fl-Imħażen fil-Menqa fejn il-bieraħ saru diversi arresti ta’ suspettati b’rabta mal-qtil ta Daphne Caruana Galizia. Diversi għaddasa tal-Forzi Armati ta’ Malta flimkien ma’ uffiċjali mit-Taqsima tal-Investigazzjonijiet Kriminali tal-Korp tal-Pulizija komplew bit-tfittxijiet tagħhom fil-bini kif ukoll f’qiegħ il-baħar. L-uffiċjali kollha li kienu involuti f’din it-tfittxija kienu mgħassa minn Patrol Boat tal-Forzi Armati kif ukoll minn diversi Pulizija tal-ISWAT.