АУЫЛШАРУАШЫЛЫҒЫ ҚЫЗМЕТКЕРЛЕРІ КҮНІ МЕРЕКЕСІНЕ ОРАЙ САЛТАНАТТЫ ЖИЫН ӨТТІ

Ауыл шаруашылығы саласының қарқынды дамуы ауылдағы шаруалардың нәтижелі еңбегіне тікелей байланысты екені белгілі. 2025 жылдың өнімі үшін ауыл шаруашылығы дақылдарын аудан бойынша 139,451 гектар ауыл шаруашылық мақсатындағы егістік жер, оның ішінде 28 261 гектар суармалы жер, 111, 190 гектар тәлімді егістік жерлер бар. Ағымдағы жылы 74 145 гектар жерге ауылшарушылық дақылдар орналастырылып және 30 100 гектар жерге сүр (пар) айдалынған болатын. Осыған орай, Шу ауданы шаруалары да егін және мал шаруашылықтарымен айналысу арқылы аграрлық сектордың ел экономикасының жаңа драйверіне айналуы үшін өзіндік үлестерін қосуда. Облыс әкімінің тапсырмасы бойынша барлық аудандарда мал шаруашылығын дамытуға аса көңіл бөлініп отыр. Осы орайда Шу ауданы бойынша қазіргі таңдағы қысқы мал азығын дайындау жұмыстары қарқынды жүргізілді. Ауданда көп жылдық шабындықтарымен қатар дала шөбін де шаруалар жинап алды. Қазіргі таңда ауданымызда мемлекеттік бағдарламалар арқылы кәсіптерін дөңгелетіп жатқан шаруашылықтар да баршылық. Осы орайда Шу ауданына қарасты мәдениет үйінде «Ауылшаруашылық қызметкерлері күні» аталып өтті. Мәдениет үйінің фаесінде ауыл шаруашыліқ өнімдерінен жәрмеңке қойылып келген қонақтар дәмнен ауыз тиді. Жиын барысында Шу ауданы әкімі Бақытжан Жәнібеков алғы құттықтау сөз сөйлеп, үздік шаруашылық мамандарын марапаттады. Ауыл щаруашылығы министрлігінің Ауыл шаруашылығы еңбеккерлері күні мерекесіне орай «Ауыл шаруашылығы саласының үздігі», «Үздік фермер», «Шу ауданына сіңірген еңбегі үшін» төс белгілерімен марапаттады. Сонымен қатар ауыл еңбеккерлерін бағалы сыйлықтар және "Құрмет грамоталар" мен "Алғыс хаттар" тапсырды. Жиын соңында аудандық мәдениет үйінің қатысуымен концерттік бағдарламаға жалғасты.