Berisha në Peqin, inauguron dhe inspekton projekte të rëndësishme të kësaj bashkie - (28 Maj 2008)

Lajme arkiva 2008 Me një agjendë të ngjeshur në inaugurime dhe inspektime të projekteve të rëndësishme në fushën e infrastrukturës jo vetëm asaj rrugore, kryetari i qeverisë është ndalur në bashkinë e Peqinit, në fshatin Bardhas të komunës Gjocaj, Berisha përuroi ujësjellësin nga i cili do të furnizohen me ujë 115 familje. Kryeministri inspektoi punimet në segmentin rrugor që lidh autostradën me komunën Gjocaj, një segment që kushton plot 300 milion lekë dhe që do të sigurojë lidhjen rrugore të 7 fshatrave të komunës. Në këtë takim dhe me banorët e zonës kryeministri ripërsëriti premtimin për më shuam investime në rrugë jo vetëm rrugë kombëtare, por dhe rurale. Sali Berisha: “Shkolla të reja, ujësjellës, kanalizime, qendra të reja shëndetësore janë përqendrimi dhe premtimet tona. Ajo që më mbetet të ftoj opozitën të lërë bulevardet mënjanë se përveç Shqipërisë bulevardeve ekziston dhe një Shqipëri tjetër, një Shqipëri që zhvillohet edhe ajo, një Shqipëri që ndërtohet, një Shqipëri që realisht ecën gjithnjë e më shuam drejt standardeve më të avancuara.” Kryeministri ka përfituar nga rasti të takohet edhe me fermerë të kësaj zone duke u premtuar atyre subvencionim për të mundësuar uljen e kostos së prodhimit. Një tjetër ndalesë e kryeministrit që u kurorëzua me prerjen e një tjetër shiriti, ishte ajo në komunën Përparim. Një investim i rëndësishëm ky i qeverisë që ka përmirësuar ndjeshëm infrastrukturën rrugore në këtë zonë. Një tjetër shirit inaugurimi u pre në komunën Pajov. Bëhet fjalë për një rrugë 2.1 km të gjatë, investim prej 16 milion lekësh nga buxheti i shtetit. Kryeministri u ndal dhe në një tjetër investim të rëndësishëm, kanali i vaditjes në komunën Bishqem-Lazarem, i cili do të shërbejë për vaditjen e 350 hektarëve tokë me një vlerë prej 21.6 milion lekësh. Në total vlera e investimeve për vitet 2006-2008 për Peqinin arrin shifrat e 83.5 milion lekëve nga buxheti i shtetit. Kryeministri u ndal dhe në kantierin e punës së firmës së njohur Euro Teorema, e njohur për prodhimin e parafabrikateve, trarëve të urave e të tjerë. Ky stabiliment është më i madhi i këtij lloji në Ballkan me rreth 100 të punësuar. Takimi që ka përmbyllur agjendën e kryeministrit në Peqin ishte diskutimi tashmë i nisur me qytetarët “Shqipëria në NATO”, ftesa tha Berisha, ishte fryt i ritmit të reformave të qeverisë. Sali Berisha: “Se përcaktuese dhe vendimtare kanë qenë reformat e thella serioze të gjithanshme, të qeverisë shqiptare.” Kryeministri përmendi t tjera arritje të qeverisë që drejtin që kanë sjellë rezultate konkrete në eliminimin e korrupsionit. Ai konsideroi si arritje të qeverisë dyfishimin e pagave dhe pensioneve, për të cilat në 3 vite janë lëvruar 38 miliard lekë. Kryeministri foli gjithashtu për 1.2 miliard lekja investime në ndërtimin e rrugëve kryesore. Sali Berisha: “Kudo që shkon, gjen dhjetëra projekte, janë 22 projekte në rrethin tuaj, kombëtare dhe lokale, të gjitha të qeverisë qendrore, pa llogaritur ç’kanë komunat vetëm. Dhjetë herë më shumë janë investuar për ujësjellësit gjatë kësaj periudhe se më parë, po të njëjtën situatë e gjejmë në Berat, e gjejmë në Lushnje, e gjejmë në Korçë, e gjejmë në Xar, e gjejmë në Dibër, e gjejmë kudo.” Në Peqin, kryetari i qeverisë garantoi banorët se do të financojë çdo projekt për zhvillimin e kësaj zone./tvklan.al Gazetare: Menada Zaimi SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/