khit Thit Morning News | June 24 2026

Khit Thit သတင်းဌာန၏ ဇွန် ၂၄ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၂၄ ရက် မနက်ပိုင်း တင်ဆက်ပေးမယ့် သတင်းတွေကတော့ -အကြမ်းဖက်မင်းအောင်လှိုင်ရဲ့ သမီး ခင်သီရိသက်မွန် နဲ့ နိုင်ဖြိုးကျော် (NPK Motor) တို့ ပူးပေါင်းတင်သွင်းနေတဲ့ တရုတ် Leapmotor EV ကားထုတ်လုပ်ရေးစက်ရုံကို မင်းအောင်လှိုင် သွားရောက်လေ့လာပြီးနောက် Leapmotor EV ကားတွေကို မြန်မာနိုင်ငံမှာ ပိုမိုတွင်ကျယ်စွာ အသုံးပြုနိုင်ရေး လုပ်ဆောင်ဖို့ ညွှန်ကြားခဲ့တယ်လို့ UMFCCI သတင်းရင်းမြစ်က ပြောပါတယ်။ မကွေးတိုင်း၊ မြိုင်မြို့နယ်မှာ စစ်တပ်ရဲ့ Mi-17 စစ်ဘက်သယ်ယူပို့ဆောင်ရေးရဟတ်ယာဉ်တစ်စီးကို တော်လှန်ရေးတပ်ဖွဲ့တွေက FPV ဒရုန်းနဲ့ တိုက်ခိုက်ဖျက်ဆီးခဲ့တယ်လို့ ပကဖအသံက ဇွန်လ ၂၃ ရက်မှာ ထုတ်ပြန်ပါတယ်။ -ရခိုင်ရှေ့တန်းကို ပို့ခံထားရတဲ့ ခမရ-၅၆၂ က စစ်မှုထမ်းတပ်သား ၃ ယောက်ကို PDF က လည်လှီး သတ်လိုက်ပြီဆိုပြီး စစ်တပ်ဘက်က သတင်းအမှားဖြန့်နေပေမယ့် အလင်းဝင်တပ်သား ၃ ယောက်စလုံးကို လက်ရှိအချိန်အထိ ကောင်းကောင်းမွန်မွန်စောင့်ရှောက်ထားတယ်လို့ တော်လှန်ရေး သတင်းရင်းမြစ်က ပြောပါတယ် အမေရိကန် ပန်တဂွန်စစ်ဌာနချုပ်ဘက်က အီရန်နဲ့ ဖြစ်ပွားခဲ့တဲ့ စစ်ပွဲစရိတ်တွေကို အဓိက ကာမိစေဖို့အတွက် ကွန်ဂရက်လွှတ်တော်ဆီကနေ ကန်ဒေါ်လာ ၈၀ ဘီလီယံ ထပ်မံတောင်းခံဖို့ ပြင်ဆင်နေပါတယ်။ ဒီပမာဏက သမ္မတဒေါ်နယ်ထရန့် တိုးမြှင့်တောင်းခံထားပြီးသား စံချိန်တင် စစ်အသုံးစရိတ်တွေအပြင်ကိုမှ ထပ်တိုးလာတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။