Sankeerthanam 10 സങ്കീർത്തനങ്ങൾ ഗാനരൂപത്തിൽ | സങ്കീർത്തനം 10 | mystical Rose Songs l Psalms 10

📖 "സങ്കീർത്തനങ്ങൾ ഗാനരൂപത്തിൽ" — വിശുദ്ധ ബൈബിളിലെ 150 സങ്കീർത്തനങ്ങളെയും സംഗീതരൂപത്തിൽ അവതരിപ്പിക്കുന്ന mystical Rose Songs-ന്റെ ആത്മീയ സംഗീതപരമ്പര. സങ്കീർത്തനങ്ങൾ ഗാനരൂപത്തിൽ എന്ന ആത്മീയ സംഗീതപരമ്പരയിലെ സങ്കീർത്തനം 10 - POC BIBLE കർത്താവേ, എന്തുകൊണ്ടാണ് അവിടുന്ന് അകന്നു നിൽക്കുന്നത്? ഞങ്ങളുടെ കഷ്ടകാലത്ത് അവിടുന്ന് മറഞ്ഞിരിക്കുന്നതെന്ത്? ദുഷ്ടർ ഗർവോടെ പാവങ്ങളെ പിന്തുടർന്നു പീഡിപ്പിക്കുന്നു; അവർ വച്ച കെണിയിൽ അവർ തന്നെ വീഴട്ടെ. ദുഷ്ടൻ തന്റെ ദുരാഗ്രഹങ്ങളെക്കുറിച്ച് വൻപുപറയുന്നു ; അത്യാഗ്രഹി കർത്താവിനെ ശപിച്ചുതള്ളുന്നു. ദുഷ്ടൻ തന്റെ അഹങ്കാരത്തള്ളലാൽ അവിടുത്തെ അന്വേഷിക്കുന്നില്ല; ദൈവമില്ല എന്നാണ് അവന്റെ വിചാരം. അവന്റെ മാർഗങ്ങൾ എപ്പോഴും വിജയിക്കുന്നു; അവിടുത്തെ ന്യായവിധി അവനു കണ്ണെത്താത്തവിധം ഉയരത്തിലാണ്; അവൻ തന്റെ ശത്രുക്കളെ പുച്ഛിച്ചുതള്ളുന്നു. ഞാൻ കുലുങ്ങുകയില്ല, ഒരു കാലത്തും എനിക്ക് അനർത്ഥമുണ്ടാവുകയില്ലെന്ന് അവൻ ചിന്തിക്കുന്നു. അവന്റെ വായ് ശാപവും വഞ്ചനയും ഭീഷണിയും കൊണ്ടു നിറഞ്ഞിരിക്കുന്നു; അവന്റെ നാവിനടിയിൽ ദ്രോഹവും അധർമവും കൂടികൊള്ളുന്നു. അവൻ ഗ്രാമങ്ങളിൽ പതിയിരിക്കുന്നു; ഒളിച്ചിരുന്ന് അവൻ നിർദോഷരെ കൊലചെയ്യുന്നു; അവന്റെ കണ്ണുകൾ നിസ്സഹായരെ ഗൂഢമായി തിരയുന്നു. പാവങ്ങളെ പിടിക്കാൻ അവൻ സിംഹത്തെപ്പോലെ പതിയിരിക്കുന്നു; പാവങ്ങളെ വലയിൽ കുടുക്കി അവൻ പിടിയിലമർത്തുന്നു. നിസ്സഹായൻ ഞെരിഞ്ഞമർന്നുപോകുന്നു ; ദുഷ്ടന്റെ ശക്തിയാൽ അവൻ നിലംപതിക്കുന്നു. ദൈവം മറന്നിരിക്കുന്നു ; അവിടുന്ന് മുഖം മറച്ചിരിക്കുകയാണ്; അവിടുന്ന് ഒരിക്കലുമിതു കാണുകയില്ലെന്ന് ദുഷ്ടൻ വിചാരിക്കുന്നു. കർത്താവേ, ഉണരണമേ! ദൈവമേ, അവിടുന്ന് കരം ഉയർത്തണമേ പീഡിതരെ മറക്കരുതേ! ദുഷ്ടൻ ദൈവത്തെ നിഷേധിക്കുന്നതും അവിടുന്ന് കണക്കുചോദിക്കുകയില്ലെന്നു ഹൃദയത്തിൽ മന്ത്രിക്കുന്നതും എന്തുകൊണ്ട്? അങ്ങു കാണുന്നുണ്ട്; കഷ്ടപ്പാടുകളും ക്ലേശങ്ങളും അങ്ങു തീർച്ചയായും കാണുന്നുണ്ട്; അങ്ങ് അവ ഏറ്റെടുക്കും , നിസ്സഹായൻ തന്നെത്തന്നെ അങ്ങേക്കു സമർപ്പിക്കുന്നു; അനാഥന് അവിടുന്ന് സഹായകനാണല്ലോ. ദുഷ്ടന്റെയും അധർമിയുടെയും ഭുജം തകർക്കണമേ! ദുഷ്ടതയ്ക്ക് അറുതിവരുന്നതുവരെ അതു തിരഞ്ഞു നശിപ്പിക്കണമേ! കർത്താവ് എന്നേക്കും രാജാവാണ്. ജനതകൾ അവിടുത്തെ ദേശത്തുനിന്ന് അറ്റുപോകും. കർത്താവേ! എളിയവരുടെ അഭിലാഷം അവിടുന്ന് നിറവേറ്റും; അവരുടെ ഹൃദയത്തിനു ധൈര്യം പകരും; അവിടുന്ന് അവർക്കു ചെവികൊടുക്കും. അനാഥർക്കും പീഡിതർക്കും അങ്ങു നീതി നടത്തിക്കൊടുക്കും; മണ്ണിൽനിന്നുള്ള മനുഷ്യൻ ഇനിമേൽ അവരെ ഭീഷണിപ്പെടുത്തുകയില്ല. കർത്താവേ! എളിയവരുടെ അഭിലാഷം അവിടുന്ന് നിറവേറ്റും; അവരുടെ ഹൃദയത്തിനു ധൈര്യം പകരും; അവിടുന്ന് അവർക്കു ചെവികൊടുക്കും. ദൈവവചനത്തെ സംഗീതത്തിലൂടെ ഹൃദയങ്ങളിലെത്തിക്കുക എന്ന ലക്ഷ്യത്തോടെ ഒരുക്കിയ ഈ സംഗീതാവിഷ്കാരം നിങ്ങളുടെ പ്രാർത്ഥനാജീവിതത്തിന് അനുഗ്രഹമാകട്ടെ. ഈ വീഡിയോ നിങ്ങൾക്ക് അനുഗ്രഹമായെങ്കിൽ കൂടുതൽ ആത്മീയ ഗാനങ്ങൾക്കും സങ്കീർത്തനങ്ങൾക്കുമായി Mystical Rose Songs ചാനൽ Subscribe ചെയ്യുമല്ലോ "യഹോവ എന്റെ ബലവും എന്റെ ശരണവും ആകുന്നു." ✨ ദൈവവചനം സംഗീതമായി... ഹൃദയത്തിലേക്ക്... God Bless You! 🙏🌹 #സങ്കീർത്തനങ്ങൾ_ഗാനരൂപത്തിൽ #സങ്കീർത്തനം #Psalm #Psalms #PsalmsInSong #PsalmSeries #BibleSongs #BibleMusic #MalayalamBible #WordOfGod #ChristianMusic #MalayalamChristianSongs #ChristianDevotional #WorshipMusic #PraiseAndWorship #JesusChrist #HolySpirit #BibleMeditation #MysticalRoseSongs #ChristianYouTube