Sankeerthanangal 8 അങ്ങയുടെ നാമം എത്ര മഹനീയം | സങ്കീർത്തനങ്ങൾ 8 | Psalms 8 l mystical Rose Songs

POC BIBLE സങ്കീർത്തനം 8-ാം അധ്യായത്തിലെ ബൈബിൾ വചനങ്ങൾ അതേപടി കോർത്തിണക്കി ഒരുക്കിയ മനോഹരമായ ഭക്തിഗാനം. പ്രപഞ്ചത്തിന്റെ നാഥനായ ദൈവത്തിന്റെ മഹത്വവും, സൃഷ്ടിയുടെ മകുടമായ മനുഷ്യനോടുള്ള അവിടുത്തെ കരുതലുമാണ് ഈ വരികളിലൂടെ ആവിഷ്കരിക്കുന്നത്. തിരുവചനത്തിന്റെ ആഴം സംഗീതത്തിലൂടെ അനുഭവവേദ്യമാക്കാൻ ഈ ഗാനം സഹായിക്കുന്നു. Lyrics (ബൈബിൾ വചനങ്ങൾ): കർത്താവേ, ഞങ്ങളുടെ കർത്താവേ, ഭൂമിയിലെങ്ങും അവിടുത്തെ നാമം എത്ര മഹനീയം! അങ്ങയുടെ മഹത്വം ആകാശങ്ങൾക്കു മീതെ പ്രകീർത്തിക്കപ്പെടുന്നു. ശത്രുക്കളെയും രക്തദാഹികളെയും നിശബ്ദരാക്കാൻ അവിടുന്ന് ശിശുക്കളുടെയും മുലകുടിക്കുന്ന കുഞ്ഞുങ്ങളുടെയും അധരങ്ങൾകൊണ്ടു സുശക്തമായ കോട്ട കെട്ടി. അങ്ങയുടെ വിരലുകൾ വാർത്തെടുത്ത വാനിടത്തെയും അവിടുന്ന് സ്ഥാപിച്ച ചന്ദ്രതാരങ്ങളെയും ഞാൻ കാണുന്നു. അവിടുത്തെ ചിന്തയിൽ വരാൻമാത്രം മർത്ത്യന് എന്തു മേന്മയുണ്ട് അവിടുത്തെ പരിഗണന ലഭിക്കാൻ മനുഷ്യപുത്രന് എന്തു അർഹതയാണുള്ളത്? എന്നിട്ടും അവിടുന്ന് അവനെ ദൈവദൂതന്മാരെക്കാൾ അല്പംമാത്രം താഴ്ത്തി; മഹത്വവും ബഹുമാനവുംകൊണ്ട് അവനെ മകുടമണിയിച്ചു. അങ്ങു സ്വന്തം കരവേലകൾക്കുമേൽ അവന് ആധിപത്യം നൽകി; എല്ലാറ്റിനെയും അവന്റെ പാദത്തിൻ കീഴിലാക്കി. ആടുകളെയും കാളകളെയും വന്യമൃഗങ്ങളെയും ആകാശത്തിലെ പറവകളെയും സമുദ്രത്തിലെ മത്സ്യങ്ങളെയും കടലിൽ സഞ്ചരിക്കുന്ന സകലതിനെയും തന്നെ. കർത്താവേ, ഞങ്ങളുടെ കർത്താവേ, ഭൂമിയിലെങ്ങും അങ്ങയുടെ നാമം എത്ര മഹനീയം കർത്താവേ, ഞങ്ങളുടെ കർത്താവേ, ഭൂമിയിലെങ്ങും അങ്ങയുടെ നാമം എത്ര മഹനീയം! Vocals & Music: AI Assisted Composition Visuals/Edit: Babu Mathirappally #MalayalamChristianDevotional #Sankeerthanam8 #MalayalamSongs #mystical Rose songs#DevotionalMusic #BibleVerses #MalayalamMusic#mysticalRosemedia#BabuMathirappallyProductions