Ürəyin Atım Fraksiyası nədir? Aşağı AF hansı xəstəliklərdən xəbər verir?

Ürəyin Atım Fraksiyası (AF) və ya ingilis dilində EF (eng.ejection fraction) ürəyinizin bədəninizə oksigenlə zəngin qan vurma qabiliyyətini göstərir. Ürək xəstəliyindən əziyyət çəkən insanlarla müqayisədə, sağlam ürəyin Atım Fraksiya daha yüksəkdir. AF-nin aşağı olması, ürəyinizin bədəninizin ehtiyaclarını ödəməkdə çətinlik çəkdiyini göstərir. Ürək çatışmazlığı varsa və ya risk altındasınızsa, həkiminiz mütləq ürəyinizin AF-ni müəyyən etmək istəyəcəkdir. Atım Fraksiyası nədir? Atım Fraksiyası ürəyinizin qanı nə qədər yaxşı pompaladığını göstərir. Bu, ürəyinizin aşağı kameralarından (mədəciklərdən) hər dəfə sıxıldıqda pompalanan yəni ki, qan dövranına ötürülən qanın miqdarıdır. Atım Fraksiyasının rəqəmləri nəyi göstərir? Atım Fraksiyası nə qədər aşağı olarsa, ürəyinizin qan vurması qabiliyyəti bir o qədər zəif olar. Bu, ağır ürək çatışmazlığı olan insanlarda baş verir. Ürək çatışmazlığının erkən mərhələlərində də AF aşağı ola bilər. Atım Fraksiyanızın %-dən asılı olaraq, həkiminiz müvafiq müalicə təyin edəcəkdir. Daha ətraflı öyrənmək üçün videonu izləməyə dəvət edirik.