Pis xolesterin təhlükəsi və qarşısının alınması yolları?

Xəstəliyin profilaktikasının əhəmiyyəti. Çox yoğun iş qrafiki olan və buna baxmayaraq hələ sosial fəaliyyətlərə də vaxt tapmağa çalışan birisi kimi bilirəm ki, çox məşğul həyatınızın ortasında en son etmək istədiyiniz - istirahət günü vaxt ayırıb həkimin qəbuluna getməkdir. Bununla belə, çoxlu sayda insan ciddi xəstəliyə tutulanda və ya artıq xəstəxanaya yatış tələb olunan zaman həkimə və ya tibb müəssisəsinə müraciət edir. Amma aydındır ki, heç vaxt (təəssüf ki, belələri az deyil) və ya çox uzun zaman əvvəl həkim müayinəsində olmuş hər bir qadın və kişi elə indi, vaxt itirmədən həkimin qəbuluna yazılmalı və müayinə olunmalıdır. Pis xolesterinin qanda yüksəkliyi niyə təhlükəlidir? Qanda yüksək xolesterin səviyyəsi hiperlipidemiya adlanır. Xolesterin səviyyəsi qanınızda nə qədər xolesterinin olduğunu göstərir. Xolesterin ümumən bir neçə növə bölünür, o cümlədən yüksək sıxlıqlı xolesterin (HDL) və aşağı sıxlıqlı xolesterinə (LDL). Sizin istədiyiniz əslində HDL ("yaxşı" xolesterinin) 60 mq/dL-dən yüksək olması və LDL (“pis” xolesterinin) 100 mq/dL-dən aşağı olmasıdır. Bütün növ xolesterinlərin qanda cəminin isə 200 mq/dL-dən aşağı olması tövsiyə olunur. Xolesterin səviyyəsini təyin etmək üçün qan analizi vermisinizsə, nəticələri mütləq həkiminizə müzakirə edin. Belə ki, başqası üçün optimal və ya normal hesab edilən rəqəmlər, sizin üçün tam əksi ola bilər. Qanda xolesterin səviyyəsini bilmək niyə vacibdir? Xolesterin səviyyəsini bilmək olduqca önəmlidir, çünki o, sizə ürək-damar xəstəliklərinin yaranması riskinizi müəyyən etməyə kömək edir. Ümumiyyətlə, bilməlisiniz ki, xolesterin bədəninizə bir çox vacib funksiyaları yerinə yetirməyə kömək edən piy (yağ) növüdür. Lakin, qanda xolesterin səviyyəsi çox yüksək olduqda, bu, sağlamlığa ciddi təhdid yaradır. Artıq xolesterin sizin oksigen daşıyan arteriyal damarlarınızın divarına daxil ola, onun bütövlüyünü zədələyə və divarda aterosklerotik düyünlərin (bərk çöküntülərin) əmələ gəlməsinə səbəb ola bilər. Bu düyünlərin damar divarlarında toplanması prosesi ateroskleroz adlanır. Damarların aterosklerozu sağlamlıqla bağlı ciddi problemlərə gətirib çıxara bilər: Koronar arteriya xəstəliyi: Ürəyinizə axan qanın blokalnması (tam kəsilməsi) və ya məhdudlaşması. Periferik arteriya xəstəliyi: Ayaqlarınıza və qollarınıza qan axını bloklanması (tam kəsilməsi) və ya məhdudlaşması. Yuxu (karotid) arteriyalarının xəstəliyi: Beyninizə qan axının bloklanması (tam kəsilməsi) və ya məhdudlaşması. Xolesterin qanınızda səssizcə üzür və qanla bədənin müxtəlif orqan və toxumalarına çatdırılır. Eyni ilə, qan damarlarınızda və orqanlarınızda xolesterin səssizcə aterosklerotik düyünlərə çevrilir. Siz uzun müddət xolesterin düyünlərinin varlığından xəbərsiz ola bilərsiniz. İnfarkt və ya insult keçirməyincə damarlarınızın divarında yavaş-yavaş böyüyən xolesterin düyünü uzun müddət heç bir əlamət və ya simptoma səbəb olmaya bilər. Lakin, buna baxmayaraq, hətta bu mərhələdə xolesterin düyünləri bədəninizə zərər vurmaqda davam edir. Və müddət keçdikcə həmin zərər artmaqda davam edir. Daha ətraflı: https://videodoktor.az/disease/895