جامعہ حقانیہ اکوڑہ خٹک مولانا فضل الرحمن کی آمد تقریب ختم بخاری سے خطاب | علماء کرام سے ملاقاتیں

جامعہ دارالعلوم حقانیہ میں جلسہ دستاربندی 1600 فضلائے کرام ، متخصصین اور حفاظ کرام کی دستار بندی تقریب سے قائد جمعیت حضرت مولانا فضل الرحمن مدظلہ،شیخ الحدیث حضرت مولانا انوار الحق مدظلہ اور حضرت مولانا حامد الحق حقانی کا خطاب قائد جمعیت حضرت مولانا فضل الرحمن صاحب مدظلہ سے مولانا حامد الحق حقانی اور مولانا راشد الحق سمیع کی خصوصی ملاقات و تبادلہ خیال آج 20 جنوری 2025بروز پیر جامعہ دارالعلوم حقانیہ میں تقریب ختم بخاری و دستاربندی کی مختصر پروقار تقریب کا انعقاد کیا گیا ۔ اس سال دارالعلوم حقانیہ سے فارغ التحصیل علمائے کرام کی تعداد سولہ سو رہی ،جس میں فارغ التحصیل ہونے والوں میں شعبہ درس نظامی ،شعبہ تخصصات،شعبہ حفظ ،شعبہ بنات سمیت متعدد شعبوں میں ڈگریاں مکمل کرنے والے طلبا شامل تھے،اس پروقار تقریب میں مہمان خصوصی قائد جمعیت حضرت مولانا فضل الرحمن صاحب تھے، جنہوں نے اپنے خطاب میں کہا کہ میں آٹھ سال تک جامعہ دارالعلوم حقانیہ میں طالب علم رہا ہوں ۔ مولانا فضل الرحمن نے جامعہ کے فارغ التحصیل طلبہ کو مبارکباد دی اور مدارس کے کردار پر تفصیلی تبادلہ خیال کیا۔اس پرنورتقریب میں بخاری شریف کی آخری حدیث کا درس مولانا انوار الحق مہتمم جامعہ دارالعلوم حقانیہ نے دیا اور فارغ التحصیل ہونے والے طلبائے کرام کو قیمتی نصائح سے نوازا۔ تقریب سے جمعیت علما اسلام (س)کے امیر، دفاع پاکستان کونسل کے چیئرمین اور جامعہ دارالعلوم حقانیہ کے نائب مہتمم مولانا حامد الحق حقانی نے خطاب کرتے ہوئے کہا کہ دینی مدارس سے مسلمانوں کا تشخص اور اسلامی شعور زندہ ہے،اس شعور،خودداری، جذبہ حریت اور اپنے تہذیب اور مذہب کا دفاع ہی مسلمانوں کا اصل سرمایہ ہے جو ان مدارس کی تعلیم کا مرہون منت ہے۔ تقریب کے اختتام پر شیخ الحدیث مولانا محمد ادریس نے اجتماعی دعا کی اور ملک عزیز پاکستان میں امن و استحکام اور خوشحالی ،امت مسلمہ کی وحدت اوراہل اسلام کے لئے خصوصی طورپر دعاؤں کا اہتمام کیا۔ تقریب میں شیخ الحدیث مولانا عبدالحلیم دیربابا،شیخ الحدیث مولانا مغفور اللہ ،شیخ الحدیث مولانا مفتی سیف اللہ حقانی، مولانا عطاء الحق درویش ، مولانا راشدالحق ،مولانا عرفان الحق،مولانا لقمان الحق،مولانا سید یوسف شاہ،مولانا عبدالحسیب حقانی ،مولانا اسامہ سمیع،مولانا خذیمہ سمیع، مولانا عبد الحق ثانی کے علاوہ جامعہ کے شیوخ واساتذہ اور اہل علاقہ نے کثیر تعداد میں شرکت کی۔بعدازاں قائد جمعیت حضرت مولانا فضل الرحمن صاحب مدظلہ نے حضرت مولانا حامد الحق حقانی اور حضرت مولانا راشد الحق سمیع سے خصوصی ملاقات کی اور اہم ایشوز پر تبادلہ خیال کیا۔