FULL VIDEO: MWENYEKITI AINGIA KWENYE KUMI 18 ZA RC CHALAMILA, AHUSISHWA NA UTAPELI WA KIWANJA

Mkuu wa Mkoa wa Dar es Salaam, Albert John Chalamila, amemrejeshea Shilingi Milioni 5 mwanamke aitwaye Glory Munisi aliyedai kutapeliwa fedha hizo katika ununuzi wa kiwanja kilichopo eneo la Nyakasangwe, wilayani Kinondoni. Tukio hilo lilijitokeza wakati wa ziara ya kikazi iliyofanyika tarehe 13 Februari ambapo RC Chalamila alipokea na kusikiliza malalamiko ya mwanamke huyo aliyesema alilipa fedha hizo kwa ajili ya kununua kiwanja lakini hakukabidhiwa umiliki halali. Baada ya kusikiliza maelezo kutoka pande zote, Mkuu huyo wa Mkoa alimuagiza Mwenyekiti wa eneo husika kuhakikisha fedha zote alizolipa mwanamke huyo zinarejeshwa. RC Chalamila pia alisisitiza umuhimu wa viongozi wa mitaa kusimamia haki na uadilifu katika masuala ya ardhi na kuonya dhidi ya vitendo vya utapeli vinavyowaumiza wananchi.