Outdoor Dumba Shinwari Karahi Recipe | Authentic Desi Ghee Dumba Karahi on Wood Fire

Bismillah-ir-Rahman-ir-Raheem. Shuru karte hain ji Dumba Shinwari Karahi. Is ki cooking ka start karte hain. - Yeh 1 liter desi ghee hum ne karahi mein daal diya hai, jis ko ab garam hone ke liye rakh diya hai. Is ko hum fry karne ke liye garam kar rahe hain. Aap check karein. Bismillah-ir-Rahman-ir-Raheem. Ab hum ne 2 medium size piyaz kaat kar rakhe hue the. Yeh ab is ke andar daal denge fry karne ke liye. Piyaz ko hum ne golden brown karna hai, phir is ke andar dumba ka gosht fry karenge. - Piyaz hamara light golden ho gaya hai, lekin humein is ko dark golden brown karna hai. Ab piyaz achhi tarah brown ho gaya hai. Ab is ke andar hum dumba ka gosht daalenge. - Yeh dumba ka gosht hai. Is ko hum karahi mein daal dete hain. Thori si yakhni bhi is ke andar rahe gi. Hum ne is gosht ko pehle hi 80% cook kar liya tha. Baqi 20% is karahi ke andar fry aur cook hoga, jis se zabardast taste banega. - Ab hum ne gosht daal diya hai. Jo thori si yakhni bachi hai, woh hum fry karne ke baad last mein daalenge. Ab gosht ko piyaz aur ghee ke andar achhi tarah fry karna hai. Is ko zabardast golden karenge, tab hi iska asli taste banega. - Lakriyon ki aanch par karahi ki cooking ka maza hi kuch aur hota hai. Aap humein comments mein zaroor batayein ke hamari yeh recipe aap ko kaisi lagi aur outdoor cooking kaisi lagi. - Gosht hamara taqreeban golden ho gaya hai aur achhi tarah fry ho chuka hai. Ab is ke andar hum ne aadha kilo tamatar chop karke daalne hain. - Ab is ke andar hum ne Karahi Masala ke 2 poore packets daal diye hain. Is ke ilawa koi aur masala nahin dala. Sirf Karahi Masala hi use kiya hai. Dumba Shinwari Karahi ki bhunai hum ne 15 se 20 minute tak achhi tarah ki hai. Ab gosht tayyar ho gaya hai aur hum is ko dish out kar rahe hain. - MashaAllah, bohat hi zabardast khushboo aa rahi hai. Gosht bohat hi tender ho gaya hai. Aaiye, aap ko dikhate hain. Is ki bhunai bohat hi zabardast hui hai aur lagan ke upar is ki khushboo lajawab aa rahi hai. Hamare saath do larke bhi hain, woh bhi besabri se khane ka intezar kar rahe hain. Khana hamara taqreeban ready ho gaya hai. Aap is karahi ko check karein. Hum ne is ko bohat hi zabardast tareeqe se fry kiya hai. - Ab is ke andar hum hara dhania kaat kar daalenge. Agar hamari yeh recipe aur video aap ko pasand aaye to mere channel ko zaroor Subscribe karein, video ko Like karein, Share karein aur comments mein zaroor batayein ke aap ko yeh recipe kaisi lagi. Milte hain agli behtareen recipe ke saath. Allah Hafiz. - #DumbaShinwariKarahi #ShinwariKarahi #DumbaKarahi #OutdoorCooking #WoodFireCooking #DesiGheeKarahi #PakistaniFood #KarahiRecipe #VillageCooking #TraditionalCooking #DesiFood #DumbaRecipe #FoodVlog #NaeemGulKiRecipe #PakistaniRecipes